Qabsoon Farra malaammaltummaa bu’uura hawaasaa akka qabaatu qaamoleen damichaa qindoominaan  hojjechuu qabu

Caamsaa15/2017(TOI)-Qabsoon farra malaammaltummaa  biyyoolessaa bu’uura hawaasaa akka qabaatu qaamoleen damichaa qindoominaan hojjechuu  akka qaban  mana maree bakka bu’oota uummataatti  walitti qabaan koree dhaabbataa dhimmoota Dimokiraasii   Iwunetee Allenee  hubachiisan.

Yaa’iin hariiroo biyyoolessaa komishinii naamusaa fi farra malaammaltummaa 13ffaan   magaalaa Arbaamincitti  gaggeeffamaa jira.

Waltajicha irratti  kan argaman mana maree bakka bu’oota uummataatti  walitti qabaan koree dhaabbataa dhimmoota Dimokiraasii  Iwunetee Allenee  akka jedhanitti,  Qabsoon Farra Malaammaltummaa bu’uura uummataa akka qabaatuuf  qaamoleen damichaa qindoominaan hojjechuu qabu jedhaniiru.

Koomishinii  naamusaa fi farra malaammaltummaa  federaalaatti komishineer Dr.Samu’eel Urqaatoo qabsoon farra malaammaltummaa bu’aa qabeessa akka ta’u barsiisuu fi hubachiisuun cinatti dhaabbilee irratti hojiin dursanii ittisuu hojjetamaa jiraachuu dubbataniiru.

 Sadarkaa biyyoolessaatti qajeeltoowwan naamusaa dhaabilee hunda keessa jiraatanis  gama itti gaafatamummaatiin hanqinoonni jiraachuu eeranii , humna namaa naamusaan ijaaruuf bu’uurri seeraa akka jiraatuuf  hojjetamaa jira jedhniiru. 

Waltajjii guyyaa2f qophaa’een Gammaggama raawwii hojii baatii 9dabalatee sanadoota adda addaa  qabsoo farra  malaammaltummaa irratti  mariin gaggeeffama.

Saganticha irratti Mana Maree bakka bu’oota uummataatti Miseensota koree dhaabbataa dhimmoota Dimokiraasii, Qaamolee Komishinii naamusaa fi farra malaammaltummaa, komishiniin naamusaa fi farra malaammaltummaa naannoolee argamu.