Itiyoophiyaaan humna dilbii Qonnaa qabduuf dursa kennuu isheetiin yeroo gabaabaa keessatti bu’aa guddaa galmeessiteetti-Itti Aanaa Muummicha Ministiraa Tamasgeen Xurunaa

Caamsaa14/2017(TOI)-Itiyoophiyaaan humna kuufamaa Qonnashee tarsiimoon deeggaruun hojimaata fi hordoffii addaan dursa kennitee hojjechuu isheetiin yeroo gabaabaa keessatti bu’aa guddaa galmeessaa jirti  jechuun  Itti Aanaan Muummicha Ministiraa Tamasgeen Xurunaa ibsan.

Itti Aanaan  Muummicha Ministiraa ergaa  toora marsariitii  isaaniin  dabarsaniin   Qonni Qorannoo fi  Qo’annoon  deeggaramee hojirra oollaan yeroo  gabaabaa keessatti biyya  jijiiruuf humna qaba jedhaniiru. 

Yaa’ii wabii nyaataa, beela qolachuu fi, misooma baadiyyaa Biraaziil Afriikaa 2ffaa cinaatti hojiilee damee qonnaa biyyattii daawwanneerra jedhan.

Kanaanis biiyyi Laatin Ameerikaa Biraazil yeroo ammaa  guddina omishaa daangaa hin qabnee  fi  Misooma Qonnaa ittifufaa isheetiin biyyoota  adda duree omisha isaanii biyyoota Addunyaaf ergan keessaatti argamti jedhaniiru.

‎Magaalaa guddittii Biraaziiliyaarraa  Km kuma 1 fi 547  irratti kan argamtu hanqina roobaa kan qabdu Peetrooliinaa dhaqnee hojiilee garagaraa buufata qorannoo fi qu’annoo damee korporeeshinii qorannoo qonnaa biyyattii(Embrapa) waggaa 40 turetti hojjetaman ilaalleerra kechuun ibsaniiru.

Daawwannaa isaaniin hojiilee bishaan kuusuu, itti fayyadamuu fi bulchiinsaa beelladoota sanyii qulqulluu gammoojjii damdamachuu danda’an, muduraawwan jallisiin misooman, horsiisa qurxummii sanyii garagaraa argineerra jedhaniiru.

Teeknooloojiiwwan hojiiwwan qorannoo fi qu’annoo deeggaran hojiiwwan kanneen hojjechuu dandeessisan dawwachuusaanii beeksisaniiru.