Godina Jimmaatti hojiirra oolmaa Sagantaa Maaddii guutuu muuxannoon kan irraa fudhatamudha-Bulchitotaa Naannoolee

Caamsaa 13 /2017(TOI)- Godina Jimmaatti hojiirra oolmaa Sagantaa Maaddii guutuu muuxannoon kan irraa fudhatamu ta’uu Bulchitoonni Naannoolee ibsan.

Gamaggamni  raawwii hojii  Baatiiwwan saglan darbanitti sagantaa maaddii guutuun,

cehumsa sirna soorataa, fi soda hoggansa balaa Sadarkaa  Muummee Ministiraatti  hogganaan Qindeessaan giddugala Ijaarsa sirna Dimokiraasii fi itti Aanaan  Pirezedaantii Paartii Badhaadhinaa  Adam Faaraah, bulchitoonni naannoolee, Ministeerota dabalatee  hoggantoonni olaanoo naannoo fi  federaalaa bakka argamanitti gaggeeffameera.

 Hordoftoonni sagantichaas hojii misoomaa sagantaa maaddii guutuu  daawwataniiru.

Misooma Dammaa Gaagura ammayyaan, misooma Avokaadoo, biqiltuu  muuzii, biqiltuu baala shayii fi  sochiin  misooma lukkuu  fi  killee  daawwatamaniiru.

 Bulchaan Naannoo Kibba Itiyoophiyaa Xilahun Kabbadee Godinichatti Inisheetivonni maaddii guutuu xiyyeeffannoon hojiirra oolaa jiraachuu hubanneeraa jedhaniiru.

 Godinichi Qabeenya Uumamaa mijataa qabdu fayyadamuun xiyyeeffannoon Misooma Dammaaf kenname dabalatee  sochiin  maaddii guutuu muuxannon kan irraatii  fudhatamu ta’uu ibsaniiru.

  Naannoo Kibba Itiyoophiyaattis sochiin maaddii guutuun xiyyeeffannoon itti kennamee hojjetamaa jiraachuu  himuun, kanneen akka Misooma Dammaa, Misooma Qurxummii,  Misooma Lukkuu fi killee akkasumas kuduraa fi muduraa  irratti hojjetamaa jira jedhaniiru.  

Bulchaan naannoo  Sidaamaa Dastaa Leedaamoo Godina Jimmaatti sagantaa maaddii  gutuun gosa omishaa hedduu irratti  hojiin bu’aa qabeessi hojjetamuu  argineerra  jechuun ibsaniiru. 

Hojiiwwan gaagurra Dammaa Ammaayyaa, Misooma Avokaadoo,fi kanneen biroon  abdachiisoo  fi muxannoon kan irraa fudhataman  ta’uu  ibsaniiru.

Naannoo sidaamaatti  hojiiwwan misoomaa  maaddii guutuu  xiyyeeffannoo fi  hordoffii  cimaan  hojjetamaa jiraachuu  kaasuun  Sirna soorataa guutuun akka  jiraatu tattaaffiin taassifamaa jira jedhaniiru.