Ameerika fi Yuunaayitid Kingidam  Tumsa Itiyoophiyaa waliin qaban caalmaatti jabeessuuf akka barbaadan ibsan

Caamsaa 08/2017 (TOI)-Ameerika fi Yuunaayitid Kingidam hariiroo gamlamee fi tumsa riijiniin cItiyoophiyaa waliin qaban caalmaatti jabeessuuf  akka fedhan beeksisan.

De’eetaan Ministiraa dhimma Alaa Ambaasadar Hadaraa Abarraa Itiyoophiyaatti Ambaasadara Ameerikaa IrvinMasingaa waajjira isaaniitti simatanii mariisisaniiru.

De’eetaan Ministirichaas Ambaasadaricha waliin hariiroo  gamlamee, Riijinii fi  Hariiroo Dinagdee irratti  marii’ataniiru.

Ambaasaaddar Hadara dhimma haala yeroo nagaa fi tasgabbii  Riijinii  fi Naannoo irratti Ambaasaaddarichaaf ibsaniiru.

Ambaasaaddar Irven biyyisaanii  nagaa fi tasgabii Riijinichaaf  Itiyoophiyaa waliin akka hojjettu ibsaniiru.

Keessumaa  shororkeessaa Alshabab fi gareewwan shororkeessitootaa kanneen biroo waliin qolachuuf  tumsa  qaban caalmaatii jabeessuuf  dhimma danda’amu irratti  marii’ataniiru.

Gama biraan Ambaasadar Hadaraa Abarraa Itiyoophiyaatti Ambaasaaddara Yuunaayitid kingideem Daren Weelchin  waajjira  isaniitti simatanii  Marii’ataniiru.

De’eetan Ministirichaa  Itiyoophiyaan Yuunayitid  kingidam waliin hariiroo  gaarii kan qabdu ta’uu ibsuun hariiroo dinagdeen jiru cimsuu akka qaban ibsaniiru. 

Ambaasaaddar Hadaraan haalli mijataan Invastimantii Itiyoophiyaatti  uumamuu  ibsuun KaampaaniiwwanYuunaayitid Kingidam Itiyoophiyaatti invast akka godan gaafataniiru. 

Daren Weelchin  gama isaaniin, Itiyoophiyaan yeroo gabaabaa keessatti Afriikaa irraa  biyya  Dinagdee guddaa akka taatu amantaa qaban himuun  hariiroo  Dinagdee  caalmaatti jabeessuuf  akka  hojjetan  ibsaniiru.

Ambaasaddar Hadaraan Mootummaan  biyya keessaattii fi naannoolee  riiginiif  nagaa fi tasgabbii buusuuf  tattaaffii  taassisaa jiru  ambaasaaderichaatiif  ibsa  gochuu odeffannoo  ministeera dhimma alaa  ni’agarsiisa