Hojmaanni dijitaal Intarpiraayizii haaraan tajaajila jiddugala tokkoo Masoob keessatti eegalameera

Caamsaa 06/2017(TOI)- Hojmaanni dijitaal Intarpiraayizii haaraan tajaajila jiddugala tokkoo Masoob keessatti eegalamuu ministirri hojii fi ogummaa Mufarihaat Kaamil ibsan.

Ministirri Mufarihaat Kamil  turtii TOI waliin taassisaniin, tajaajila dhaabbileen kennan Haqa-qabeessa, Ammaayyaa’aa fi dhaqabamaa gochuuf mootummaan  xiyyeffannoon hojjechaa jira jedhaniru.

Ministeerichi Riifoormii gaggeesseen kenna tajaajilaa fooyyessuu fi ammayeessuuf hojii  hedduu hojjeteera. 

Lammiileen tajaajila  dhaabbilee irraa argatan salphaa fi dhaqabamaa gochuuf  hojmaata  teekinooloojiin deeggarame bu’uuressuu fi  hojjechuun kan dursu ta’uu  ibsaniiru.

Haala kanaan Tajaajilli hedduun dhaabbatichaan kennaman haala tutuqqaa irraatii bilisa  ta’een Teekinoloojiin deeggaramee dhaqabamaa ta’aa jira.

Sadarkaa Federaalaatti Yaaliidhaaf hojiirra oolaa kan jiru tajaajilli wiirtuu tokkoo Masoob hojmaata dhaabilee Ammayeessuuf  haala mijataa uumuu Ministirittiin   ibsaniiru.

Kanaanis Ministeerichi tajaajiloota  kennu  keessaa lama  tajaajila wiirtuu tokkoo Masoobiin

eegaluu ibsaniiru.   

Tajaajiloonni kunneen eeyyama hojii alaa fi haromsaa akkasumas, Interpiraayizii Dijiitalaa kan jedhaman ta’uu ibsaniiru.

Tajaajila Interpiraayizii Dijiitallaa kan jedhamu akka biyyaatti haaraa ta’uu eeruun,lammiileen Interpiraayiziin yeroo gurmaa’an hojimaatni harkifataan isaan mudachaa ture kan hanbisudha jedhaniiru.

Amman dura Adeemsi interpiraayiziin gurmaa’uun balbala dhaabbilee hedduutti deddeebi’uu kan gaafatu ta’uu  hubachiisuun adeemsi kun bu’aa bahyii kan qabu ta’uu  eeraniiru. 

Tajaajila wiirtuu tokkoo Masdoob kenna tajaajilaa ammayyeessuu mirkaneessuu irra darbee   ijaarsa dhaabileef murteessaa ta’uu ibsaniiru. 

Dhaabileen teekinooloojiin deeggaramuun tajaajila ammayaa’aa kennan bu’aan ijaarasa mootummaaf qabu guddaa waan ta’eef  hojmaata cimaa  fi cehaa ta’uu  hubachiisaniiru.  

Kananis teekinoolojii  bu’uuressuun ,hojiirraa oolchuu fi  guutummaan fayyadamuun   dhimma ijoo ta’uu ibsaniiru.

Barbaachidummaan Wiirtuun tajaajila tokkoo Masoob tajaajiloonni barbaachisoon gara lammiileetti dhihachuu kan mirkaneesse ta’uu  ibsaniiru.  

Sirnichi kenna tajaajilaa ammayyeessuu irra darbee dhaloota biyya jaalatuu fi  biyyaaf dhimmu uumuuf carraa akka  kennu dubbataniiru.

Giddugalichi  lammiileen  itti gaafatamummaa isaan irraa eegamu akka bahatanii fi  uummanni mootumma waliin dhihaatee akka hojjetuuf haala mijataa kan uumu ta’uu  ibsaniiru