Taphoonni Piriimar Liigii Ingiliz shan har’a ni taphatamu

Caamsaa 02/2017 (TOI)- Sagantaa taphoota Piriimar Liigii Ingiliz torbee 36ffaan har’a ni eegalama.

Liigicharraa gadi bu’uunsaa kan mirkanaa’e Saawuz Hampitan guyyaa sa’aatii 11tti Maanchastar Siitii waLIIN NIMORKATA.

Qabxii 64n sadarkaa sadaffaarra kan jiru maanchastar Siitiin taphni kun shaampiyoonsi liigii Awurooppaatti hirmaachuuf dorgommii itti jiruuf murteessaadha.

Yoo mo’atan sadarkaa lammaffaarra kan jiru Arsenaal waliin qabxii walfakkaataa niqabaatu.

Fulhaam Everta, Woolvis Biraayitan, fi Iswiich Taawun Bireentifoord waliin sa’aatii 11tti nitaphatu.

Galgala sa’aatii 1 fi daqiiqaa 30tti Boornmaawuz Astonviilaa, Istaadiyeemii Vaayitaaliitiitti nitaphatu.

Astonviilaan qabxii 60n sadarkaa 7 irratti  yooargamu  hirmaannaa shaampiyoonsi liigii milkeessuuf tapha har’aatiin qabxii 3 argachuu qaba.

Boornimaawuz qabxii 53n sadarkaa 8ffaa yoo qabatu waltajjii dorgommii Awurooppaarratti hirmaachuuf abjuu qabu itti fufsiisuuf kan taphatudha.