Komishiniin mana Sirreessaa Federaalaa marsaa 37ffaa Konistaabiloota leenjisaa ture  eebbisiiseera.

Komishinichi  konistaabiloota dhaabbata leenjii poolisii mana sirreessaa  Alaltuutti leenjisaa ture kuma 1 fi 27 eebbisiiseera.

Sirna eebbaa  kana irratti  de’eetaan  Ministira  Haqaa Ummad Ujulu, komishinar  Jeneraalaiin Mana Sirreessaa Federaalaa  Yenus Muluu fi  keessummoonni waamichi tassifameef  biroon  argamaniiru. 

 Komishinar Jeneraaliin Mana Sirreessaa  Federaalaa Yenus Mulu Sirna Eebbaa irratti haasaa taassisaniin  dhaabbatichi  sirreefamtoota seeraa  murtee  mana murtiin  gara mana sirreessaa fi  bakka turtii  dhufan fi sirreeffamtoota  yeroo  beellemaan jiran simatee,  mala yakkaa keessa turan keessaa bahanii lammii omishaa fi seera kabaju ta’anii  hawaasatti akka makaman gochuun  kaayyoosaa isa ijoodha. 

Kaayyoo kana  galmaan gahuuf  Miseensonni poolisii  Mana sirreessaa leenjii qulqullina qabu  fudhatanii  dandeettii loltummaa  gonfachuun akka isaan irra eegamu  ta’uu ibsuun,  naamusa ogummaa fi  miira tajaajiltummaa  akka  argatan taassifamaa  jiraachuu ibsaniiru.

Sirreeffamtoonni Murtee mana murtii xumuratanii  yeroo bahanitti omishaa fi  seera kan kabajan akka ta’an  hojiin sirreessuu fi qulqulleessuu   xiyyeeffannoon hojjetamaa jiraachuu  ibsaniiru.