Milkaa’ina Hawaasummaa fi Dinagdee Magaalaa Finfinneetti galmaa’eef Qidoominni Mootumma fi hawaasaa shoora guddaa gumaacheera

Caamsaa 02/2017(TOI)-Milkaa’ina Hawaasummaa fi Dinagdee Magaalaa Finfinneetti galmaa’eef  qindoominni Mootummaa fi Uummataa shoora guddaa gumaachuu itti Gaafatamaa waajjira paartii Badhaadhina Damee Finfinnee obbo Mogos Baalchaa ibsan.

Biiroon Bulchiinsa fi nageenya magaalaa Finfinnee miseensa  raayyaa  nageenyaa kuma 11  eebbisiiseera.

Obbo Moges Baalchaa Saganticha irratti akka ibsanitti, Magaalaa Finfinneetti badhaadhinni hunda galeessi akka dhugomsu nagaa eegsisuuf raayyaan nageenyaa shoora guddaa qaba jedhaniiru.

Magaalaan Finfinnee  Jijjiirama dinqisiisa keessatti argamti kan jedhan hogganichi, Badhaadhina haala Amansiisaa ta’een mirkaneessuuf nagaan shoora guddaa qabaachuu ibsaniiru. 

Miseensonni  raayyaa nageenyaa har’a eebbifaman badhaadhina hunda galeessa Magaalichaa  dhugoomsuuf  Nagaa eegsisuu irratti  qooda mataa isaanii akka bahatan  hubachiisaniiru.

Itti gaafatamtuun Biiroo  Nageenyaa fi Tasgabbii  magaalaa  Finfinnee Aadde Liidiyaa  Girmaa  gama isaaniin, nagaa fi  tasgammii naannawichaa eeguuf  shoorri  raayya nageenyaa murteessaa ta’uu ibsaniiru. 

Miseensonni Raayyaa  Nageenyaa qaamolee nageenyaa magaalichaa waliin ta’uun  waardiyaa nageenyaa magaalaa ta’anii tajaajilaa  jiraachuu  ibsaniiru.

Obbo Mogos Baalchaa dabalatee Hoggantuun biiroo Bulchiinsaa fi  Nageenyaa Magaalichaa Aadde Liidiyaa Girmaa, ajajaa walii galaa poolisii Magaalaa Finfinnee Komishinar Geetuu Argaaw, Hojii Gaggeessaa Olaanaa Abbaa Taayitaa  Kabachiisa Seeraa Magaalaa Finfinnee  Kumaalaa Zarihun Tafarraa fi  hoggantoonni  biroon sirna Eebbaa irratti argamaniiru.