Magaalichatti balfa deebisanii hojiirra olchuun Birrii biiliyoona 1 fi Miliyoona  271  ol  argame

Caamsaa 01/2017(TOI)-Magaala  Finfinneetti  bara  baajatichaatti  baatiiwwan saglan darbanitti  balfa deebisanii  misomsuun Birriin  Biliyoona 1 fi  Miliyoona 271 ol argamuu   Ejensiin Qulqullinaa Magaalaa Finfinnee  beeksise.

 Itti aanaan  Daarektara Olaanaa Mulat Tagany TOI’f yaada kennaniini, waggoottan darban Kosii gara qabeenyatti jijjiiruuf hojiin bal’aan hojjetamuu ibsaniiru.  

Waldaaleen seera qabeessaan  gurmaa’uun sirni deeggarsaa diriiree fi  gara hojiitti akka galaniif erga taassifamee booda  balfa  qabachuu fi dhabamsiisuu  irratti  jijjiiramni argamuu   ibsaniiru.

Waldaaleen 334 ol  hojii deebisanii misoomsuu irratti kan bobba’an yoo ta’u  kana keessaa  53 qophii  xaa’oo uumamaa irratti kan  bobba’an ta’uu ibsaniiru. 

Magaalichatti baatiiwwan saglan darbanitti balfa gogaa sassaabame irraa  deebisanii fayyadamuun tajaajilaaf oolchuun  danda’amuu ibsaniiru.  

Meeshaalee pilaastikii, omishawwan waraqaa, Meeshaalee Elektirikii deebisanii  fayyadamuun cimee itti fufuu ibsaniiru.

Kanaanis  Balfa  deebisanii  hojiirra oolchuun birrii  biiliyoona 1 fi miiliyoona 271  ol  argamuu  ibsaniiru. 

Balfa deebisanii fayyadamuun  lammiilee kuma 1 fi  79’f  carran hojii  uumamuu danda’uu   ibsaniiru.

Magaalittiin  miidhagduu fi  qulqulluu, addunyaarratti  magaala dorgomtuu taassisuuf  qooda fudhattoota waliin qindoominaan kan hojjetan ta’uu  ibsaniiru.

Hojiin Misooma Koriideraa fi Misooma  Magariisaa ammaan dura  hafteewwan meeshaa ijaarsaa bakkeetti gatamaa ture  hambisuu irratti  qooda guddaa bahu ibsaniiru.