Naannichatti dureeyyiin Invastimentii Qonnaa  irratti bobba’an Omisha isaanii gara Alaatti erguun sharafa alaa argamsiisaa jiru

Caamsaa 01/2017 (TOI)- Naannoo Sidaamaatti dureeyyiin invastimentii Qonnaa irratti bobba’ani Omisha isaanii alaatti erguun sharafa alaa argamsiisaa jiraachuu  Komishiniin Investimentii Naannichaa  beeksise .

Komishinarri  komishinii Invastimentii Naannichaa  Anchiin Aaluu  Asaffaa TOI’f akka  ibsanitti Naannichatti  dureeyyiin 103 Invastimentii Qonnarratti bobba’aniiru.    

Isaan keessaa 23 lafa qonnaa hektaara  bal’aa irratti omishaa jiraachuu  dubbataniiru.

Naannichatti Omishawwan Alatti ergaman keessaa Abaaboo fi  mi’eessituuwwan  ta’uu ibsaniiru.

Pirojektiiwwan Invastimenetii Alatti ergaman kan biroon muduraa fi kuduraa, lukkuu, killee alatti erguuf qophii taassisuu isaanii ibsaniiru.

Itti gaafataman Babal’insa Invastimentii  Magaalaa Hawaasaa  obbo Abarraa Lelamoo  gama isaaniin  dureeyyiin 53 Invastimentii Qonnaa irratti bobba’uun carraa hojii uumuu  isaanii ibsaniiru.

Abbootiin qabeenyaa kun Omisha gahaa gabaaf dhiheessuun  tasgabbii  gabaa  uumaa jirachuu ibsaniiru. 

Bulchiinsi Humna namaa dhaabbata kilaaver filaawer Obbo Fu’aad Sheek lafa hektaara 100 irratti  Abaaboo  misoomsaa jiraachuu  dubbataniiru.

Misooma abaaboo  gara  biyyoota Awurooppaa fi  biyyoota baha  gidduu galeessaatti  erguun sharafa alaa argamsiisaa jiraachuu ibsuun, waggaa darbe yuuroo miiliyeena 7 sharafa alaa argamsiisu beeksisaniiru.

Dhaabbatichaan  carraa hojii  kan argatan  obbo  Habtaamuu  degeloo  fi  aadde selamawwit  gebri’eel  carraa  hojii uumameefiin maatii isaanii  bulfachaa jiraachuu ibsaniiru.