Qotee bulaan odeeffannoo misooma midhaanii akka argatuuf lakkooftuun yeroo misooma Midhaanii ifoome

Ebla 30/2017 (ToI)-Qotee bulaan Odeeffannoo  Misooma Midhaanii akka argatu kan gargaaru gabateen lakkooftuu yeroo biyyaalessaa ifoome.

Ministeerri Qonnaa Agiroo Ikooloojii biyyaa bu’uura kan godhate paakeejii  Ekisteenshinii  gabatee lakkooftuu yeroo irratti qooda fudhattoota waliin mari’ateera.

Ministeera Qonnaatti dursaan hojii raawwachiisaa Misooma Midhaanii Obbo Isayaas Lammaa, lakkooftuun waqktii yeroo misooma midhaanii qophaa’e qonnaan  bulaan midhaan naannoo isaatiif mijatu adda baasuun yeroo sirriitti , facaasuu akka danda’u  kan  gargaarudha jedhaniiru. 

Akkasumas Qotee bulaan Odeeffannoo qabachuun qophii lafaa, facaasaa sanyii fi omishaa walitti qabuu kan  dandeessisu tahuu dubbataniiru.

 Oofiisaarri sagantaa pirojektii Agraa Itiyoophiyaa Obbo Ayyalaa Gabree amlaak, Ministeera Qonnaa waliin qindoomuun, biyyichatti akkaataa haala qilleensa naannootiin, midhaan  haala naannoof mijataa ta’an haala waqtii eegeen omishuun aadeffannaa akka akka ta’u hojjetamaa jiraachuu ibsaniiru. 

Saganticha irratti kan hirmaatan barsiisaa yuunversiitii Finfinnee Profeesar Admaasuu Tsagaayyee Itiyophiyaatti  Ikkoolojiin adda addaa 32 ol tahan jiraachuu ibsaniiru.

Ekisteenshinii Midhaanii haala naannoo  bu’uureffatan  babal’isuuf ministeera qonnaa waliin  hojjechaa jiraachuu ibsaniiru.

Gabateen lakkooftuu yeroo naannoolee biyyattii  hunda  hammate kan hin turre ta’uu ibsuun  amma kan qophaa’e hanqinicha furuu irra darbee omishaa fi omishtummaan akka dabaluuf  shoora guddaa qaba jedhaniiru.

Hirmaattota keessaa  Biiroo Qonna oromiyaatti Daarekteerri Misooma midhaanii Obbo Musxafaa Huseen  lakkooftuun gabatee yeroo omisha midhaanii  Qotee bulaa fi  qooda fudhattoonni hundi  waqtii sirriitti hubachuun  akka hojjetan kan isaan dandeessisu  ta’uu   ibsaniiru.   otee bulaan hojii ittisa Ilbiisaa fi Aramaa yeroosatti akka raawwatu kan  dandeessisu ta’uus  himaniiru.

Waltajjicha irratti Ogeessonni Ministeera Qonnaa fi Qorattoonni, Gorsitoonni, Ogeessonni Projektii Agraa,  fi itti gaafatamtoonni Biiroo  Qonnaa  naannoolee argamaniiru.