PSG’n Xumura Shaampiyoonsi Liigii Awurooppaaf darbe

Ebla 29/2017 (TOI)- PSG’n qabxii waliigalaan Arsenal Xumura Shaampiyoonsi Liigii Awurooppaaf darbeera.

Tapha deebii xumura walakkaa kaleessa galgalaa gareen lamaan Istaadiyeemii Paark De Piraansitti taphataniin PSG’n galchii 2 fi 1’n mo’ateera.

PSG’n goolii lammiin IspeenFaabiyaan Ruwiiz daqiiqaa 27tti galcheen garichu dursuu eegale.

Ashraaf Hakiimii daqiiqaa 72tti golii lammataa galcheera.

Bukaayoo Saakaa daqiiqaa 72ffaatti Arsenaaliif goolii tokko galcheera.

PSG’n rukuttaa adabbii argatus hinmilkoofne.

Arsenaal carraa goolii argatus ittifayyadamuu hindandeenye.

Akkaataa qabxii Kanaan kiabiin Faransaayi qabxii waliigalaan 3 fi 1’n mo’chuun xumuraaf darbeera.

PSG’n Intar Miilaan waliin xumuraaf nitaphata.

Taphni xumuraa Caamsaa 23 bara 2017 Istaadiyeemii Muniik Aliyaanz Areenaatti nitaphatama.