Waggoottan  lamaan  darbanitti  sadarkaa  biyyoolessatti  lammiileen Miiliyeena 15 ol tahan  waraqaa eenyummaa faayidaaf  galmaa’aniiru.

Ebla 28/2017(TOI)-Waggoottan lamaa fi walakkaa darbanitti sadarkaa biyyoolessaatti   lammiileen miiliyeena 15n ol ta’an waraqaa eenyummaa faayidaaf galma’uu Darekteerri Olaantuun waraqaa eenyummaa biyyoolessaa Yodahee Ar’ayasillaasee  beeksisan.

Faayidaan Itiyoophiyaaf kan  jedhuun fiigichi daandiirraa km 5 Caamsaa 3/2017  Addababayii Masqalaatti gaggeeffama. 

Sagantaa fiigichichaa ilaachisuun Waajjirri sagantaa waraqaa Eenyummaa Biyyoolessa, Waajjirri  Galmeessa Ragaalee Sivilii  fi hawaasummaa Magaala Finfinnee, Biiroon dargaggoo fi Ispoortii Magaala Finfinnee waliin ibsa baasaniiru. 

Kaayyoonsaa guddaan dorgommiin Fiigicha Dilbata dhufu gaggeefamu Ispoortii fayyadamuun barbaachisummaa faayidaa irratti hubannaa hawaasaaf kennuuf ta’uu  ibsaniiru.

 Daarekteerri olaanaan  Ejensii Tajaajila Galmeessa Sivilii fi hawaasummaa  Yoonas Alamayyoo  gama isaaniin akka Jedhanitti, bara Baajatichaatti Jiraattonni Magaalichaa  Miliyoona 2 tuqaa 3 ol faayidaaf galmaa’aniiru.

 

Itti gaafatamaan Biiroo  Dargaaggoo fi Ispoortii  Magaalaa Finfinnee Balay Dajanee gama isaaniin namoonni  kuma 25 ol ta’an  dorgommicha irratti  ni hirmaatu jedhaniiru. 

Ka’umsii fi gahumsi Fiigichicha  Addababayii  Masqalaa ta’ee  Dilbata ganama sa’aatii 12 eegalee  akka  gaggeeffamu beeksisaniiru