Kalaqawwan Ogummaa Kolleejjii Poolii Teeknikaa irraa bahan fayyadamtoota biraan gahuuf   Tattaaffiin taassifamaa jira

Ebla28/2017(TOI)-Naannoo Oromiyaatti Bu’aawwan Kalaqaa kolleejjii poolii teeknikaatii  bahan  fayyadamtootaan gahuuf hojjechaa jiraachuu Biiroon Hojii fi Ogummaa Naannichaa  ibse.

Biiroon Hojii  fi  Ogummaa Naanichaatti, Itti Gaafatamaan Damee Leenjii  Obbo  Nasraddiin Qaadii  TOI’f  yaada kennaniin, Kollejjichi  Ekisteenshinii  Industrii fi Misooma Ogummaa  irratti hanqinoota jiran  guutuuf leenjii gabaan  barbaadu kennaa jiraachuu ibsaniiru.

Koleejichi  galteewwan Insdustirii alaa galanii fi omishawwan bakka bu’an  irratti xiyyeefatee,Teekinooloojii Omisha guddisu irratti  omishuu fi ceesisuu hojjechaa  jiraachuu  ibseera.

Kanaanis maashinoota Omisha Qonnaa walitti qabuu, Nyaata Horii kan qindeessuu, cuucii lukkuu kan yaasu  hojjechaa jiraachuu ibsaniiru .

Naannichatti hojiin Adaamaa,  Bishooftuu, Shaashamannee, fi Kolleejjiiwwan poolii teeknikii birootti hojjetamaa jiru kan jajjabeffamu tahuu ibsaniiru. 

Kolleejonni  bu’aawwan kalaqaa kana fayyadamtoota biraan gahuuf hojjechaa  jirachuu  ibsaniiru.

Baatiiwwan saglan darbanitti galii keessoo miiliyeena 900  maddisiisuu  danda’uu  ibsaniiru.

Kolleejjii Poolii Teeknikii Adamaatti Barataan sadrkaa 4ffaa kan tahe Musbahu Mammaa  akka  ibsetti  omishaa fi Omishtummaa  Qonnaa guddisuuf maashinii sanyii fachaasu   hojjechuu dubbateera.

Maashiichi  humna ibsaa malee Qotiyyoo Fayyadamuun  Sanyii Sararaan Facaasuu kan dandeessisu ta’uu himeera.

Kolleejjii Poolii teeknikaa  Shashamanneetti barataa Awwal Ahimad gama isaatiin, knkolaataa manaa kalaqaan hojjechuu ibsaniiru.

Konkolaataan kalaqaan hojjete boba’aa kan qusatuu fi meeshaa naannawa argameen hojjechuu ibsuun boba’aa liitirii  tokkoon k.m 30  deemuu kan danda’u ta’uu ibsaniiru.

Deeggarsa Motummaa fi qooda fudhattoota irraa yoo argate  omisha isaa babal’isuu fi  gabaaf dhiheessuuf  fedhii qabachuu ibsuun;  konkolaatichi  annisaa aduu fi  elektiriikiin hojjechuu kan dandeessu ta’uu dubbataniiru.