Sirni Ragaa Dijiitaalaa Jijiirama Qilleensaa  ittisuuf dandeessisa- De’eta Ministiraa Dr.Melese Mokonnin

Ebla 28/2017(TOI)-Qonnaan bultootaaf odeeffannoo qilleensaa kan kennu sirna  haala qilleensaa dijiitaalaa ijaaruun Jijjiirama qilleensaa ittisuuf qooda guddaa akka qabaatu De’eetn Ministira Qonnaa Dr.Mellese Mokonnin  ibsan.

Tajaajila Sirna odeeffannoo hundeessuuf waltajjiin Riijinii Afrikaa Bahaa har’a Bishooftuutti gaggeffamuu eegaleera.

Waltajjichi Dhaabbanni misoomaa Mootummoota Gamtoomanii Afriika Bahaa (IGAD) fi  wabii nyaataa irratti kan hojjetu walta’insa Idil Addunyaa (CGIAR)  jalatti kan argaman  pirojektii  Qorannoo  Jijiirama qilleensaa (AICCRA)  waliin  kan qopheessanidha.

Sirnichi odeeffannoo qindaa’aa jijiirama qilleensaa murtee damee qonnaan kennamu waliin wal-simsiisuun Qonnaan Bulaan dhiibbaa jijiirama Qilleensaa dhufu akka dandamatu gochuuf ta’uu ibsaniiru.

 Sirnichi Mobaayilii fi  Intarneetiin kan hojjetu yoo tahu , Qotee bulaan, yeroo omishu, gosa midhaanii, fi yeroo omisha walitti qabu, haala midhaanii odeeffannoo kan kennudha.

Dee’etaan  Ministira Qonnaa  Dr.Mellese Mokonnin  sirni dijiitaalaa kun jijjiirama qilleensaa dandamachuu irra darbee  dursee deebii kennuuf kan dandeessisu tahuu ibsaniiru.

Sirni Odeeffanichaa Fayyaa Biyyee, Jijiirama qilleensaa fi faalama kaarbooniin  fi kanneen  biroo irratti odeeffannoo wal jijiiruuf kan dandeessisu ta’uu ibsaniiru.

Hojmaatni Dijiitalaawaa kun wabii nyaataa fi  ittifufinsa isaa ilaalchidee yaada  ogummaa kan  kennu  kuufama ragaa  ta’uu hubachiisu.

Sirna qindaa’aa fayyadamuun jijiirama qilleensaa ittisuuf waliin hojjechuu akka qaban hubachiisaniiru.

Daarekteerri Qabeenya Uumamaa fi  qilleensa naannoo  IGAD  Daher Elmii Hussen gama isaaniin, pirojektiin Baankii Addunyaan hojjetamu waggaa torbaaf kan turu ta’uu fi sirna nyataa jabeessuuf murteessaa ta’uu ibsaniiru.

Itiyoophiyaatti itti Waamamaan IGAD Abebaw Bihoneny IGAD sirna fayyaa nyaataa mirkaneessuu, qabeenya uumamaa itti fufiinsa qabu mirkaneessuuf kutannoon hojjechaa jiraachuu ibsaniiru.

Tajaajilichi Ifoomuun ergama IGAD Milkeessuuf shoora qabaachuu ibsaniiru.

Walgahiin riijinichaa hanga Ebla 29/2017tti akka turus  odeeffannoon IGAD irraa argame mul’isa.