Hirmaattota Konfiraansii Tuurizimiitiif  tajaajila  barbaachisaa dhiheessuutf xiyyeeffannoon  kennameera

Ebla 22/2017(TOI)-Hirmaattonni Konfiraansii Turizimii tajaajila si’ataa akka argataniif dhaabilee tajaajila kennan wajjin hojiin qindaa’aan hojjetamu  cimee akka ittifufu Biiroon Aadaa, Aartii fi Turiizimii Magaalaa Finfinnee  ibse. 

Ministeerri Turizimii  konfiransii Turizimiif xiyyeeeffannoo guddaa kennee  hojjechaa jiraachuu ibseera.

Bara baajataa 2017 baatiiwwan saglan darbanitti qofa Itiyoophiyaatti Waltajjiiwwan  Addunyaa, Ardii fi  riijinii 60 caalan gaggeefamaniiru.

Misooma Koriidaraa Magaalaa Finfinnee dabalatee bu’uuraaleen misoomaa biroon fi bakkeewwan hawwata Tuuristii Magaalittii konfiransii Turizimiif  filatamtuu  gochaa jira.

Itti Aanaan Biiroon Aadaa, Aartii fi Turiizimii  Magaalaa  Finfinnee Hundee kabbadaa TOI tti akka  himanitti, yeroo dhihootii asitti bu’uuraaleen misoomaa hojjetaman konfiraansii Turiizimiif haala mijataa uumuu ibsaniiru.

Kanaan walqabatee Magaalaan Finfinnee Konfiraansii Turiizimiitiif filatamtuu ta’aa dhufuushee fi taateewwan Idil Addunyaa fi ardii keessummeessuu ishee dubbataniiru. 

 Konfaraansiiwwan fuulduratti gaggeeffaman keessummoonni tajaajila  barbaachisaa akka argataniif, Biirichi deeggarsaa fi  hubannaa  uumaa  jiraachuu  ibsaniiru.

 Akka obbo Hundeen ibsanitti, Biiroon Aadaa, Aartii fi Turiizimii Magaalaa Finfinnee  hojii Ijaarsa dandeettii  hojjechaa jiraachuu ibsuun, Yeroo ammaa kutaa Magaalaa hunda keessa dhaabbiileen tajaajila kennan hojjettoota isaanii leenjisaa jirachuu dubbataniiru.

Fuuldurattis Turistoota dhufaniif tajaajila Sirrii kennuuf  sektarichi jabaachuu qaba jedhaniru.

Hirmaattonni konfaraansii Turiizimii  fi Ambaasaaddaroonni Biyyoota adda addaa   magaalittii akka daawwatan godhamuu fi  maqaa garii  biyyaa  akka beksisan taassifamaa  turuu ibsuun kunis jabaatee itti fufa jedhaniiru.

Koreen hojii raawwachiistuu waldaa hoojettoota Hoteelaa fi Tuurizimii Wandimmiyyee Awaash gama isaaniin akka jedhanitti, Konfiraansiin Turiizimii, Hoteelaa fi Turiizimiitiif galii fi  faayidaawwan biroo fidee dhufeera jedhaniru.

Ammaan dura irra caalaa walgahii Gamtaa Afriika qofa irratti hundaa’ee kan ture  konfiraansiinTuriizimii, yeroo ammaa baay’achaa dhufuu ibsaniiru. 

Kunis galii dabalataa kan argamsiisuu fi  fayyadamummaa dinagdee biyyittii  kan guddisu ta’uu himaniiru.