Hojiin Qonnaa  Naannoo Harariitti hojjetame Uummaticha  gara  omishtummaatti  ceessiseera

Harar Ebla  21/2017 (TOI)- Hojiin Qonnaa  baatiiwwan sagal darban Naannoo Harariitti hojjetame Uummaticha  gara  omishtummaatti ceessiseera jedhan jechan Itti Aantuun Pirezidantii Naannichaa fi  Itti Gaafatamtuun Biiroo Qonnaa Aadde Roozaa  Umar.

Naannoo Harariitti bara baajatichaa baatiiwwan saglan darbanitti hojiiwwan qonnarratti hojjetaman uummaticha gara  omishtummaatti ceessisaa jira.

 Hojiiwwan Qonnaa Naannichatti filannoowwan adda addaan Misooman  bu’aa argisiisaa jiraachuu ibsaniiru. 

Itti Aantuun Pirezidantii Naannichaa fi  Itti Gaafatamtuun Biiroo Qonnaa Aadde Roozaa  Umar akka jedhanitti, aanaa baadiyaatti filannoowwan jallisii adda addaa fi qaltee omishaa  faayyadamuun lafa hektaara kuma  4 fi  500n  irratti kuduraa fi muduraan omishaman Wabii nyaataa Qonnaan bulaa fi Hawaasa Magalichaa Mirkaneessaa jira jedhaniiru.

 Qonnaan bulaan waggaatti yeroo sadii omishuun kuduraa fi muduraa, omisha midhaanii  hawaasa magaalaatiif  gatii madaalawaan dhiheessuun omisha qonnaa irratti  qaala’insa gatii jiru hanbisuu danda’uu kaasaniiru.

Ammaan dura sababoota adda addaan lafa otoo hin omishamiin hafan inisheetivii  bisingaan kilaasteraan misoomsuun baatiiwwan  saglan darbanitti qofa  abbaan  warraa  kuma  1 fi 800  gargaaramuu jalaa bahuun omishuu danda’uu isaanii hubachiisaniiru.

Naannichatti Aanaa magaalaa fi baadiyaatti dargaggoota hirmaachisuu inisheetivii qonnaan  hojiiwwan misoomaa  hojjetamaa jiran  babal’achaa akka jiran  ibsaniiru.

 Bu’aawwan  hojii  misoomaa  kun  kan jajjabeeffaman ta’us, dhi’eessii nyaata  horiin  walqabatee hanqinoota  jiran furuuf hojjetamaa jiraachuu  Itti Gaafatamtuun Biiroo Qonnaa naannichaa Aadde Roozaa Umar ibsaniiru.