Godina Boorana bahaatti biqiltuun miliyoonni 11 dhaabbiif qophaa'aniiru. - ENA Afaan Oromoo
Godina Boorana bahaatti biqiltuun miliyoonni 11 dhaabbiif qophaa'aniiru.
![](/documents/42148/0/xd+%283%29.jpg/249b9b64-2307-0f40-4bd9-ec3d458c64d9?version=1.0&t=1706171386898&download=true)
Amajjii 16/2016(TOI) - Godina Booraanaatti manacaatii qabeenya uumamaa karaa waaraan ittisuuf kan gargaaru biqiltuun miliyoonni 11 ol dhaabbiif qophaa'uu Waajjirri Qonnaa godinichaa beeksiseera.
Wajjirichatti ogeessii qabeenya uumamaa obbo Aliyyii Arbaa; godinichatti bara kana biqiltuun miliyoonni 35 fi kuma 400 dhaabbiif ni qopheeffamu jedhaniiru.
Kana keessaa hanga ammaatti godinichatti aanaalee 8 keessaatti buufatalee biqiltuu dhuunfaa fi mootummaa keessaatti biltuun miliyoonni 11 fi kumni 400 qophaa'uu himaniiru.
Godinni Booranaa godina yeroo baay'ee irra deddebiin hongeen miidhamu ta'uu yaadachiisanii; biltuu dhaabuun rakkoo kana salphisuuf akkasuma waaraaan ittisuuf hojjetama jira jedhaniiru.
Bilqtuun qophaa'uu kunis ganna dhufu dhaabuuf lafa qabeenyi uumamaa irraa manca'ee heekataara kuma 6 fi 987 irra dhaabuuf hojiin bakka dhaabbii adda baasuu hojjetamuu himaniiru.
Godinicha aanaalee hundaatti buufataalee biqiltuu 43 keessatti gosti biqiltuu bosonaa, muka gaaddisa ta'u, nyaata beelladaa fi kuduraalee qophaa'a jirachuu himaniiru.