Qiddus Goorgis Shaampiyoonsi Liigii Kaafiin tapha deebii har’a nitaphata

Fulbaana 18/2016 (TOI)- Qiddus Goorgis Shaampiyoonsi Liigii Kaafii 2023/24 tapha deebii marsaa lammaffaa har’a garee Gibxi Al Ahilii nitaphata.

Taphni garee lamaanii Istaadiyeemii Kaayiroo Intarnaashinaalaa nama kuma 75 qabatutti nitaphatama.

Gareen lamaan tapha marsaa jalqabaa Fulbaana 13/2016 taphataniin gareen Al Ahilii goolii 3 fi o’n mo’achuunsaa niyaadatama.

Qiddus Goorgis garee ramaddii seenuuf morkataasaa garaagarummaa goolii 3’n mo’achuu qaba.

Lammii Maalaawii kan ta’an Buubbuun tapha kana abbaa seeraa muummee ta’uun nitaphachiisu.

Bara dorgommii darbe Al Ahiliin mo’ataa Shaampiyoon Liigii Kaaf ta’uunsaa nibeekama.