Itiyoophiyaatti Qilleensi Elniinoo Jedhamu Uumamuu Akka Danda'u Ibsame

Finfinnee Caamsaa 19/2011Itiyoophiyaatti ganna dhufu qilleensi Elniinoo jedhamu sadarkaa xiqqaa ta'een uumamuu akka danda'u Ejenciin Meetirooloojii biyyoolessaa Itiyoophiyaa beeksiseera.

Haa ta'u malee sababa qilleensa Elniinoo dhadhabaa ta'een gogiinsi uumamu qilleensa jiidhaa galaana Hindirraa ka'uun wal ni sima amantaan jedhu akka jiru ejensichi hubachiiseera.

Raaga qilleensaa jiruun naannawa biyyattii kaaba bahaatti roobni idilee fi idileen gadii akka jiraatu daarektarri olaanaa ejensichaa obbo Faxxanaa Tashoomaa tajaajila oduu Itiyoophiyaaf beeksisaniiru.

Kutaalee biyyattii walakkeessa kibbaatti iddoowwan murtaa'anitti rooba idilee argachuu akka danda'an raagameera.

Waan ta'eef tamsaasni roobaa akka kanaa biyyattiitti Elniinoon dadhabaa ta'e mudachuu akka danda'u agarsiisa jedhaniiru.

Sababa mudachuu Elniinoo dadhabaatiin gogiinsi mudachuu haalli itti danda'amu yoo jiraatellee qilleensi jiidhaan galaana Hindirraa dhufu cimuudhaan gaarummaansaa olaanaa akka ta'u ibsaniiru.

Haa ta'u malee naannolee biyyatti kaaba bahaa rooba idilee fi idilee gadii argatan deeggarsi kennamuufii qaba.

Kutaa Afriikaa bahaatti baatiiwwan sadii Waxabajjiirraa amma Fulbaanaatti jiranitti  tamsaasni roobaa jiru idileen gadi ta'uu akka danda'u ibsameera.