Farra ummataa kan ta’e hojiin shanee barbadeessuu cimee itti fufeera-raayyaa ittisaa RDFI

Mudde 25/2015 (TOI) Farra ummataa kan ta’e hojiin shanee barbadeessuu cimee itti fufuusaa raayyaa ittisaa RDFI beeksise.

Qaama duula humna hidhataa shororkeessaa shanee barbadeessuu kan ta’ee fi humni qindaa’aan Oromiyaa Kibbaa fi ollaa naannawaatti bobba’e gandoota to’annoo shanee jala jiran hedduu gadi lakkisiiseera.

Gaggeessaan ittisaa olaanaa duula kana dursan akka jedhanitti humni hidhataa shororkeessaa shanee naannoo Oromiyaatti badiiwwan ummatarratti geessisu dhaabsisuun naannawa tasgabbaa’e humnoonni tasgabbii qindaa’uun hojiitti galaniiru.

Oromiyaa Kibbaa godinoota Gujii Lixaa fi Bahaa akkasumas Booranaa jiddu galeessa godhachuun kan socho’u waraanni qindaa’e ergama milkaa’aarra akka jiru kan ibsan gaggeessaan kun, duula qorannoon taasifameen gandoonni qabiyyee shanee jala kan turan gandoonni torba bilisa ta’uusaanii dubbataniiru.

Hogganaa olaanaa Gujii bahaa kan ta’an ob. Haruu Garmaa diina biyyaa fi ummataa kan ta’e humni hidhataa shanee bakka kanaa dhabamsiisuun ummata jireenya nageenyaatti deebisuun hawaasni yaaddoorraa bilisa akka ta’u gochuuf akkuma raayyaa ummannis hogganaa dursaa duula kanaa ta’uu qaba jechuun hubachiisaniiru.

Faayidaa ummataafin dhaabadhe jechuun hawaasa rakkoolee hedduuf kan saaxile humna hidhataa shanee bakka kanaa dhabamsiisuuf qabsoo taasifamu keessatti hawaasni naannawaa waan irraa eegamu hunda hojiirra akka oolchu jiraattonni dubbataniiru.

Duulli eegalame humna hidhataa shanee naannawa kanatti argamu barbadeessuu fi naannawa tasgabbaawaa irratti kan xiyyeeffate ta’uu odeeffannoon fuula marsariitii raayyaa ittisaa RDFI irraa argame ni agarsiisa.