Hiriirri nagaa guyyaa gareen shororkeessaa ABUT Raayyaa Ittisa Biyyaa Iizii Kaabaarraan miidhaa geesisee yaadachuuf qophaa'eefi jiddu seentummaa alaa balaaleffatu Waashingiteen diisitti geggeeffamuuf.

Onkoloolessa 21/2015(TOI) - Hiriirri nagaa guyyaa gareen shororkeessaa ABUT Raayyaa Ittisa Biyyaa Iizii Kaabaarraan miidhaa geesisee waggaa 2ffaa yaadachuuf qophaa'eefi jiddu seentummaa alaa balaaleffatu Waashingiteen diisitti Kamisa dhufu onkolooleessa 24/2015 geggeeffamuu akka jiru himame.

Hiriira kanaan guyyaan yaadannoo waggaa 2ffaa gareen shororkeessaa ABUT Raayyaa Ittisa Biyyaa Iizii Kaabaarratti onkoloolessa 24/2013 gochaa gara jabummaa raawwate kan taasifamu ta'uu Waashingiteen diisitti walitti qabaan garee Nagaafi tokkummaan Itoophiyaa obbo Xaasoo Malaakahiyoot TOItti himaniiru.

Injifannoon Raayyaan Ittis Biyyaa garee shororkeessaa kanarratti argateen kan kabajamu ta'uu himaniiru.

Hiriira kanarratti jiddu seentumma biyyoonni alaa tokko tokkoo taasisuuf yaala jiran kan balaaleffatamuufi Mootummaan Ameerikaa Itoophiyaatti nagaan waaraa akka jiraatu mootummaa Itoophiyaa akka deeggaru hiriira kanaan ni gaafatama jedhaniiru.

Hiriira kanarratti Itoophiyaanonni, Dhalatoonnii Itoophiyaafi michoonni Itoophiyaa ni hirmaatu jedhaniiru.

Sadaasa 3/2015 immoo lammilee sababa waraanaan qe'eefi qabeenya isaaniirra buqqa'aniif sirni galii walitti qabuu mata duree ''Waamicha biyyaaf owwaannaa Firaa'' kan geggeeffamu ta'uu himaniiru.