Siyassa - ENA Qafar Afa
Siyassa
Leedâ Missoynàk sagla alsih taama gabbaaqih gudgud asaakî macsenta qimbise
Apr 29, 2024 78
Addis Ababa Qasa dirrik 21 sanat 2016 (ENA) Leedâ Missoynàk sagla alsih taama gabbaaqih gudgud asaakî macsenta Missoynàk ciggila saqal gifta Adam Faarac elle geytimak qimbisse. Sittal lakleh sidiica ayrô suguwaah yan koboxul Missoynà sagla alsih addat abteh taamak siyaasay, xisoosa Kee Ximokraasih caagiidah xisol ayyunta Kee Baad Caddoh kusaaqay, gaddi xiinissoh luddittel tekke taama kusaaqise loonum yiysixxigen. Missoynàk ciggiila saqal gifta Adam Faarac ayyunta Kee baaxoh fayda le doolatiini siiratih xisol ayyunti gabat agle Kee mantafaqqa arcisoonuh, tatre sagla alsih addat kulli caddol yanih yan Leedâ Missoynàh adoytiitih Xisol mango taama tekkem qaddoyse. Baxsa luk adda Ximokraasih caddo kee baaxok doolatiini siiratih xisol tatre laca sanatih addat geytimtimteh tan milaagi taamoomi, dooroh uddur Missoynà ayyuntah xagna elle culte caagiida abbinoysak edde temeete sanootak sugteh tanim baxxaqise. Agat iyyentitte buxa mariinuk ayyaaquk baaxoh inkigid takke qabbaaqitte Kee aydaadi akah fiirima innah baxsa le macal kee taama akkuk temeetem yescesse. Missoynàk abbinow sitta lih kusaaqisaanaah, fokkaaqaanam maden caddo sitta lih yabloonu Kee agdaabe tayse caddo fanah Fayya hoonuh lowsis kee Qokol taamal sitta catoonuh kaxxa lem yiysixxige. Kulli luddal takkeh tan sagla alsih taama gabbaaqi gaba kalti sanatih agdaabe yamaatuwaa sanatih ekraaroh bica ukummo xayyoyse loonum kassiise.
Naharsi Malak Dr. Abiy Acamd Baad Caddok Daddos Eg,lah Koboxut Yangaluh Nayrobi Cule
Apr 29, 2024 71
Addis Ababa, Qasa-Dirrik 21, 2016 (ENA) Naharsi Malak Dr. Abiy Acmad Miraacisa Erga Baadak Daddos Egla (IDA) 21heele Kibne Koboxut Yangaloonuh Keeniyak Inayta Nayroobih Magaala Culen. Tama Kobox, Ta Egla Qokoltam Kee Maglableela, Afrikak Daddosul Maaliyyah Qokolul Naharsi Hangih Langitte Yascasseenim Kee Cubbi Akah Yacen Innah Hangi Abak Gexsan Kobox Kinnim Naharsi Malaakih Kutbeh Buxah Oyti Yascasse.
Maytani makaado immigreeshin Kee baaxô baxiini ayfaafayih milaagi abbinoowam faxximtam kassiisen
Apr 27, 2024 135
Addis Ababa Qasa dirrik 19 sanat 2016 (ENA) Immigreeshin Kee baaxô baxiini ayfaafayak milaagi taamoomi abinah ardil tamballeem faxximtam ummattah awlaytiitih malah buxak gaanuun Kee qadliinoo caagiidak mayti makaado qaddosse. Makaado ta ayfaafayak sagla alsih taamâ gabbaaqu kusaaqiseenim Kee abeenih sugeenih yanin gufnek raddi ta koboxul gacseenim warsen. Makaado ta ayfaafayih caddol takke taama tanim takkay immay dooqaysima weeqa ayfaafay mattacool waxi Kinni taqabitte anfiddige kalah tanim nasmitu xiqne axcuk baxxaqisen.
37 Heele Afrikah Inkiinoh egalak Abbobtih Daffeyna Meqe Gurral Gaba Kaltuh Macalteh Tan Dagortih Faatit Kee Mamaxxagah Acwaay Yeecen.
Apr 27, 2024 126
Addis Ababa Qasa-Dirrik 19/2016(ENA) Afâ Caagiidah Malaak 37 Heele Afrikah Inkkiinoh Abbobtih Daffeynaa Kee 44 Heele Afrikah Inkinoh egalak taam selta makadoh Daffeyna Meqe Gurral Gaba Kaltuh Macalteh Isi Doori Digirteh tan Dagortih Acwaay Yeecem. Ta Aracalaay Afâ Caagiidah Malaak Ambaasadder Tayye Astqhe-Sillaaseey,Afâ Caagiidah Malaakak Xeetah tan Bortokaan Ayyaanoo Kee Kalah Tan Doolatak Fayya Le Mirocti Elle Geytimteh Tanimiiy Timixxige. 37 Heele Afrikah Inkkiinoh Abbobtih Daffeyna 21 Haytô Boolih Karmallih Gexxaah Kulli Mara Guftaah Digga Le Barittô Siirataay,Duddaa Kee Safa Leh Tan Baritto Afrikah Intah Tan Mabalal Gexsitteh Tanim Tamixxigeh Tan Tiyaay kini Afâ Caagiidah Malaakak Xeetah tan Ambaasadder Bortokaan Ayyaanooy,37 Heele Afrikah Inkkiinoh Abbobtih Daffeynaa Kee 44 Heele Afrikah Inkimoh egalak taama selta makadoh Daffeyna Meqe Gurral Gaba Kalteh Tanimiiy Tescesse. Tonnah Kaadu Ta Daffeynat 8 Alfiik Dagga Yakkeh Yan Qibni Edde Yengeleh Yanim Kee Salaamah Isinni Baaxô Fan Yuduureenih Yaniinimitiiy Yabtem. Ta Daffeyna Meqe Gurral Gaba Kaltuh Macalteh Tan Ta Daffeynak Bici makadoy, Addis Ababah Magaalah Xiinissook Saay Dagarittee Kee Kalah Tan Dagortiiy Ta Daffeyna Meqe Gurral Gaba Kaltuh Macalteh Tanim Qagitaakaay Kassiise. Tahaay Agatak Muddaqiinoo Kee Konnabna Aracat Gactuh Isikkeh Doori Leh Tanimiiy Qaddowte.
Naharsi malaak Dr. Abiyyi Acmad Tatruse farmo
Apr 26, 2024 57
Addis Ababa Qasa dirrik 18 sanat 2016 (ENA) Alqo Biil Kee Meelinxa Geetis Fawunxeeshinik leenâ taama gexseh yan Marki Suzman Kee erga warcibiseemih ruffa exce. Biil Kee Geetis Buqreey, Qaafiyataay, maaqiddih siirat Kee faynansi gexsitiy, tonnah kalah tan luddittel Aban yan tû-xiq le qokol Itiyoppiyah dadalah Kaxxa caddo le. Ta qokol Baad luk mango luddittel akah yakkennah sitta lih macalenno.
Naharsi malaak Dr. Abiyyi Acmad Liibiyak Naharsi malaak lih walale
Apr 25, 2024 57
Naharsi malaak Abiyyi Acmad Qali (PHD) Liibiyak Naharsi malaak Qabdul-caamid Al-xabbabiyya lih walale. Naharsi malaak ayyuntiayyuntiinô rateemal tatruse farmol elle baxxaqisennal, walal dariifâ salaam kee sabhalalaay, qidaddo kee sehdayti caylih milallaaguy, tonnah kalah raqtah tan caagiidal abeenim yiysixxige. Naharsi malaak Liibiyak Naharsi malaak Qabdul-caamid Al-xabbabiyya oggolak walaliseemih ruffa axce yaanam iyye.
Maytani makaado ayyunti gitah yan oyta doolatak geyuh ta xisok mango taama qambalsintam yiysixxigen
Apr 25, 2024 49
Addis Ababa Qasa Drrik 17 sanat 2016 (ENA) Ximokraasih caagiidak maytani makaado ayyunti gitah tan Oytittey asmat le geyuh IFDR -ih Doolatak Doolat Angaarawih Ayfaafayak mango buxa taama qambalsintah tanim qaddoysen Maaytani makaado tavxisoh fanteenal isih soolak meski gufne edde aben. Ta xisok baxaabxasale taama footimaami silah wagiteenih yaniinim kee amô ladih ta malaakih xiso abak geytimtah tan angagoyyitte yubleenik gamadal ta malaakak ciggilta malokti kee abnisa lih walaleenim warsen. Maaytani makaadok gaaboyseh yan gifta Iwunetu Allene iyyeemih, Doolat Angaarawih Ayfaafay qusbuk xiseenik gamadal ux widdiirih addat yuybulleeh yan meqe taamay ixxiga kee mihratiinu rakiibo abak tekke tanih tanim tanim yiysixxige. Fooca fanah ta xiso Doolat tibbixeh tan daddos ekraaro kee Salaamay, meqe xiinissoy, mangintinaane wadbisso tanuh giffo le taama keenik qambalsimtam qaddoyse . Baaxok agaarad Komshiin abbinoysak taamoomih ajenxa ayyunta guftuh ta xisok mango taama qambalsintam yiysixxigen. Doolat Angaarawih Ayfaafay malaak Dr. Leggese Tullu ta malaakih xiso tayse taamay mexxat le sissik oyta gufusoonuh xisoosa kee mihrat leelak dudda gablusaanam kee sitta kattaataanamal diffa le taamak tekkek xolot geytime lem yiysixxigen. Ta malaak qagitaak baaxok mabbalow Komshiinih ajenxaaxi baaxô caddol geytimtah tan Doolat kee canka retteemaami ayyunta wadbissam faxximtam kassiise.
Molokti Malah buxa baxaabaxsa le caagiidal margaqa tatrusse
Apr 25, 2024 50
Molokti Malah buxa asaakî macsenta gexsse 31 heele koboxul baxaabaxsa le caagiidal walaleenik gamadal margaqooqi tatrusen. 1. Malâ buxa qimboh elle walaltem Irô kabxak qiso maysaasah siiratal xayyoowe ux kukta. 2. Qagitaak malâ buxa elle walalteh tanim luulah taamah Komshiin Kee baxaabaxsa le federal xisoosa mekeltah tan meklental xayyooweh yan ux kuktih qagunta. 3. Tonnah kaaduk malâ buxa elle walalteh tanim baxaabaxsa le Qaafiyat Poliisi wagittaama. 4. Ella caboh malâ buxa elle walaltem buqrek barri daddoosih Poliisi wagittaama. Qasa dirrik 17 sanat 2016
Meqe Xiinissoh Kilasterik 9 alsih Ekraaroh abbinos elle kusaaqisan gudgud gexsen
Apr 25, 2024 94
Addis Ababa Qasa dirrik 16 Sanat 2016 (ENA) Meqe Xiinissoh Kilasterik 9 alsih addat tekke taamoomi elle kusaaqisan gudgud asaaku qimmise Tama gudgud yaabal fakeh yan Ciggiila Perezxentih Bilhadal meqe xiinissoh Kilasterik Koobaahiseh yan Gifta Acmad Cuseen Kilaster caddol Doolat ummattah xagana kah culte caagiidak magide aracat gacteeh, mannah yan qaku kee gabul tummullem kusaaqisak warree rubqi sanatih addal tayse taama takkuh asaakî gudgud kaxxa fayda lem yescesse. Asaaku qimmiseh yan Meqe Xiinissoh Kilasterik Sagla alsih taamah gabbaaqih gudgudul 9 alsih taamah kusaq dubuh hinnay Doolat Dooroh uddur xagana kah culte caagiidaay, Milaagi xaloot kee ciggiila rubqi sanat ekraaro elle kusaaqisak geytiman.
Leedâ missoynak Qafár rakaakayak inispekshin kee meqem kaban komishinih luddih ku/buxa massosseh tan aydakaakan yumurruqeh
Apr 25, 2024 123
Addis Ababa Qasa Drrik 16 sanat 2016 (ENA) Qafár rakaakayih luddak inispekshin kee meqem kaban komishinih ku/buxak saqalah yan Gifta Amiin Macammad missoynâ mirocti kee adoytit missos addat xayyowtah tan weeqah raddi yantacawwuh aydaakakan gabul yakkem qaddoyse. Aydakaakan Ummattah essero gacsaanam kee missoynak gadda elle faxxiima gurral edde yantifiqqimoonu qokol yakkem yescesse. Taban kee tiya takkeh tan komishin adoytiitik numuk teynah yan gifta Qumar Macammad is le katuk iyyeemih missoynak edde xinti caddol yambulleh yan taqabi yafdigoonu doori lem kinni iyyem . Federaal caddol sugeh yan komishin gubah daqoorit fan oobak ummattah essero gacsam faxxintam kee qusba gurral fakak saqolti kah haanam tekkem kassiise. Adoytit kaadu ayyuntak uguttah tan esseroora kee weeqa maninnal yafdigeenim xiqaanamal aydakaakan cato keenih yekkem Yallô daqaarak inispekshin kee meqem kaban komishinih ku/buxah saqalah yan gifta Caydara kaareeli kinni tescessem. Aydakaakan baxaabaxsa le caagiida maninnal calli akah yantocowwem faxxintam yescessem kee faxxiimak sugem kassiisen.
Waktiinooy, Baaxooy, Amaana Kee Saay Caagiidal Walalak, Agatak Amaana Malah Buxa Tece Maybalaalaqa
Apr 24, 2024 49
Massakaxxa Le Ni Baaxoh Ummatta, Itiyoppiyak Xer Dabaanah Sugte Baaxo Xisneh Aydaadul, Siyaasa Baxsaay, Sittin Wayti Kee Booditte Salaam Gital, Yaabal, Walal Kee Madqa Gital Calli Akah Abtaamih Abak Raag Mali. Sami Sinnah Ni Siyaasa Amolladi Foyyah Tan Siysaasa Kinni. Ni Baaxol Tamixxigeh Tanimi Caylal Aysuk Reeda Yibbixeh Yan Cayli, Caylal Gacak Reedak Obam Fan Inkih Sittat Koobahissak Lowsiisaanam Kee Faxxa Heenim Elle Aban Siyaasa Qaada Kinni. Milaagi Doolat Reeda Fan Elle Temeetem Caylal Hinna. Aham Kaaduk Qusba Siyaasa Qaada Kinni. Ahim Qusba Siyaasa Mafdaga Diggossam Kee Kalah Tan Salaam Le Siyaasa Qaada Kaaduk Demokraasi Gital Dooro Ummattah Oggol Geyak Doolatah Xissimaanam Tuybulle. Ahak Taturak Baxaabaxsa Le Siyaasa Missoynaanih Mirocti Kee Adoytit Doolat Miraaciinul Madabah Haak, Itiyoppiya Sitta Lih Lino Buxa Kinnim Sumaaqissem Kinni. Salaam Gital Siyaasa Tabsi Dibuk Madma Hinna. Kalah Tan Madmoomi Arac Akah Xagtannah Silaac Kinnikkal Dibuk Madma Matakka. Itiyoppiyah Taqabi Awayi Gexso Missooysaanamal Dibuk Calli Mageytima. Aydaadul Nagarneh Nan Diglo Missoosaanam/Gacsaanama Dirki Kinni. Tama Aydaadi Diglo Missoosoonuh Sidiica Qaynatih Callitte Akah Daffeyteh Geytimta. Sugeh Yan Siyaasa Taqabi Agat Caddibnih Agaaradal Yafxigeenimiiy, Xayi UdduurihSiyaasa Taqabi Kaaduk Tabsi Qadli Kee Aygadadal Missoosaanama. Itiyoppiyal Yan Caalata, Inki Doolat Doorol Mayso Orbisak Reeda Tabbixeemih, Dibuk Margaqa Elle Tacem Duude Waytaamaay, Baaxo Kee Gabat Assogolla Le Agaaraditte Faxxah Tan Caagiida Tan. Tama Xongolo Tantabbem Qimmissa Away Garab Boloolih Sanat Akak Gufeh Geytima. Ila Milaagi Doolat Temeeteh Tan Udduuri Fan Tabbem Geyteh Masuginna. Milaagi Doolat, Tama Mabla Harigaanam Dibuk Hinnaya, Tahim Abbinossah Tan Waalik Tan Fanteena Akah Xisse. Tama Fanteenah Addal Masuuliyyatal Daffeyteh Tanimi, Fayya Le Caddoh Abak Raag Kee Dudda Leh Tan Komishineeritte Kinnon. Ta Komishineeritte Gabah Assagolla Le Agat Agaarad Akah Abbinoosan Innah Baar Le Reeda Madqal Akah Tontocowweh Geytimta.
Sultaan Acmad Qalimirac Samara Cule.
Apr 24, 2024 37
Addis Ababa Qasa drrik 16 sanat 2016 (ENA) 15heele Qafar Sultaan, Sultaan Acmad Qalimirac Asaaku Samarâ magaala Cule Massakaxxa le Qafar Sultaan, Sultaan Acmad Qalimirac Samarak Sultaan Qalimirac tayyaarâ booxa gufeh yan uddur Rakaakayak fayya le miraaciinuuy, baaxô Kasleey, Diini abbobtiiy, Qunxaaneyta kee Ayyunti exxaaxi kaah garayen. Sultaan Acmad Qalimirac 15heele Sultaan akkuk 2015, Qasa dirrih alsal reeda yibbixem tamixxige. Massakaxxa le Sultaan Acmad Qalimirac kimaalih ayro Ameerikah baaxook Addis Ababah magaala culem tamixxige.
Sultan Acmad Qalimirac Itiyoppiyal Sarrimaane Le Daddos Diggoysoonuh Qimbimteh Tan Taama Qokolaanam Faxximtam Qaddoose
Apr 24, 2024 39
Addis Ababa, Qasa-Dirrik 16, 2016 (ENA) Itiyoppiyal Sarrimaane Le Daddos Diggoysoonuh Qimbimteh Tan Taama Qokolaanam Faxximtam Sultan Acmad Qalimirac Qaddoose. 15heele Qafar Sultanah Yan Sultan Acmad Qalimirac Afa Baaxol Sugeh Baaxo Fan Yemeeteh Tanim Tamixxige. Sultan Acmad Qalimirac Abeh Yan Yaabal:- Itiyoppiyal Qimbimteh Tan Daddos Kee Investimenti Angagoyyitte Elle Faxximtannal Akah Abbinowtannah Salaam Diggoosaanam Faxximtam Yiysixxige. Itiyoppiyah Xaylo Isinni Inkiino Diggoysak, Salaam Dacayrih Macalaanam Faxximtam Kee Qimbimteh Tan Daddos Taamoomi Qokolaanam Faxximtam Qaddoose. Qafar Rakaakayal Buqre Murtil Yumbulleh Yan Milagu Edde Anuk, Milaagi Doolat Kulli Langil Mangoh Tan Tayse Taama Elle Tekkeh Tanim Ascassuuk:- Ahim Kaaduk Yayse Gurral Akah Diggowtannah Sutta Elle Qokolaanam Faxximtam Yescesse. Naharsi Malak Dr. Abiy Acmad Sarrimaane Le Salaam Kee Daddos Arac Akah Xagtannah Abak Geytima Taama Qokolah Yanim Qaddoose. Afrikah Curriyyataak Lakal Mangoh Tan Afrikah Baaxooxak Kaamolayyo Maadut Bisoh Akah Iyyan Innah Tekkeh Tanim Kassiisaak:- Aham Kaaduk Itiyoppiya Baddi Furda Sinnim Tet Raaqissam Tanim Yiysixxige. Itiyoppiya Leh Tan Ummatta Qadad Kee Askattabuk Geytimta Dadalal Rakiibo Abak, Baddi Furdat Tantiffiqimem Faxximtam Kinnim Ascassuuk:- Tama Essero Salaam Gital Calli Alah Geytimannah Takkem Faxximtam Qaddoose. Federeeshin Malah Buxak Ciggiltà Caxah Afteenà Gifti Dahra Cummad Is Le Katuk:- Sultan Acmad Inkih Tan Qafar Ummattak Qaada Kee Diini Mirac Kinnim Qaddosse. Qunxa Marinook Xabba Haanam, Akah Yingicilleh Yan, Qafar Ummattah Curriyyat Kee Daddos Arac Elle Xaga Siirat Yanimih Doolat Xaqut Soolak Mango Macal Abeh Yanim Tiysixxige. Malak Bilhadal Demokraasi Siiratih Xisneh Fanteenah Koobahise Ambasadder Casan Qabdulkadir :- Sultan Acmad Saro Haytih Ayrook Xabba Haanam Federal Kee Rakaakay Doolatak Salaam Kee Daddos Taamoomi Qok9lak Sugeh Yanim Qaddoose. Milaagi.Doolay Kaaduk Sultan Acmad Innah Tan Qaada Kee Diini Mirocti Lih Xayyoowak Taamitak Geytimam Kassiise.
Maloktit Malah Buxa Asaaku Gexisseh Tan 30 Heele Madab Koboxul Baxaabaxsa Le Caagiidal Walalak Margaqooqiiy Tatrussem.
Apr 17, 2024 92
Addis Ababa Qasa-Dirrik 9/2016(ENA):-Maloktit Malah Buxa Asaaku Gexisseh Tan 30 Heele Madab Koboxul Baxaabaxsa Le Caagiidal Walalak Margaqooqi Tatrusseh Tanimiiy Timixxige. Tahaak Ugutaakaay:- 1, Maloktit Malah Buxa Qinboh Elle Walalteh Tanim Federaalak Doolat Taama-Abeenitih Koktak Sugteh Tanim Kee Malâ Buxak 29 Heele Madabiini Koboxul Xayyoowak Faaticisen Doolat Ayfaafay Kee Xiinissô Pooliisik Ugutak Ta Poolisi Kah Abbinowtanna Kinnih Tanimiiy Qaddowte. Ossotinahaay Ta Kuktiiy 2010 Haytô Liggiddah Faaticeseenih Yaniinim Kee Abinooysiyyak Baxsa Lukukuuy Doolat Taama-Abeenitih Xiinissok Curriinuuy,Sissikaaneey Essertimaiyyaay,Qidiinooy Kalah Tan Caagiidal Tambulleh Tan Coocotte Missosoonuu Kee Waktillih Gexah Yan Kotak Missoysak Malâ Buxal Xayyooseenih Yaniimiiy Timixxige. Malâ Buxa Koktal Walalak Missos Faxxam Kak Missoysak Ummattah Awlaytiitih Malah Buxal Kah Xayyoowannahaay Faaticisen. Ta Malah Buxa Tah Kee Tannah Tan Koktil Walalteh Tanim Kee Baxsa Lukukuuy Baaxoh Caddol Taafeh Tan Taqabitte Missowtuh Tawqeh Tan Koktitte Sissikuk Kah Abbinowtannahaay Faaticisen.
Denmarkik Daddos Pooliisih Malah Buxak Gaaboyseh tan Gifti Ane Mete Keyer miraacissa Erga luk xaloot le walal abe-Naharsí Saqal Cajji Awwal Qarba
Apr 17, 2024 98
Addis Ababa Qasa dirrik 08/2016 ( ENA) Xenmarkik Daddos Pooliisih Malah Buxak Gaaboyseh tan Gifti Ane Mete Keyer miraacissa Erga luk xaloot le walal abeh yanim Naharsí Saqal Cajji Awwal Qarba yiysixxige. Naharsí Saqal Cajji Awwal Qarba Ayyuntiinô ratteemak isi Facebookih golil tatruseh yan ux farmol elle yescesseh yan innal asaakih ayro Xenmarkik Daddos Pooliisih Malah Buxak Gaaboyseh tan Gifti Ane Mete Keyer Kee Itiyoppiya kee Afrikah inkittiinoh Eglal Denmarki Ambaasaxxerih tan Gifti Kira Simiz Sinxibjergi miraacissa Denmarki doolatih erga isi Maktabal hirigak walalisem yiysixxige. Tama angaarawal Qafar Rakaakayal sarrimaane le daddos daabimuh Denmarki Doolat lih ogoysimak elle maqarroosaanam duudan cogda wagittaamal baar luk walaleenim Cajji Awwal Qarba tatruseh yan farmol diggoyse. Tah tannal anuk, Naharsí saqal Massakaxxa le Cajji Awwal Qarba Denmarki Doolat Qafar rakaakayih Doolat kee ummattah abak geytinta qokol taamoomi kaxxam faatitam keenih diggoyse.
Afa caagiidah malaakih xeeta Ambaasaxxer Misgaanu Aregga gabbi qaxih qokolih Missoynàk Leenah taama gexse lih walale
Apr 16, 2024 90
Addis Ababa Qasa dirrik 8 sanat 2016 (ENA) Afa caagiidah malaakih xeeta Ambaasaxxer Misgaanu Aregga gabbi qaxih qokolih Missoynàk Leenah taama gexse lih qokol caagiida wagittaamal walalem tamixxige. Itiyoppiya kee ta Missoynàh fanal yan fantaaxaw diggoowuh, Gabbi qaxih Missoynà lih xayyoowak taamite loonum yiysixxige. Ta Missoynà isih leh tan ixxiga tabisak Barittô luddal duddi gablussoh taama akah abtannah taamite lem warsen. Gabbi gabbi qaxih Missoynà adoytiitih tan baaxooxal, barittoy, matteebannu kee Maaliyyah qokol abak geytimtam ta walalal qaddoysen.
Jappaan Doolat Itiyopiyak Agatak Agaarad Komishiinih 12 Takkeh Tan Baaburitteh Qokol Abteh Tanimiiy Qaddowte.
Apr 15, 2024 102
Addis Ababa Qasa-Dirrik 7/2016(ENA):-Jappaan Doolat Agatak Agaarad Komishiinih 12 Takkeh Tan Baaburitteh Qokol Abteh Tanimiiy Timixxige. Itiyopiyal Jappaan Ambaasadderih Yan Shibaata Hernoori Ta Baaburttey 12 Takkeh Tani Agatak Agaarad Komishiinih Komishiner Porofiser Mesfin Araayal Tabseh Yanimiiy Qaddowte. Agatak Agaarad Komishiinih Komishiner Porofiser Mesfin Araayaay,Agaarad Komishiinih Taama Arac Xagtuu Kee Dudda Le Xaloot Elle Geytimuh Maglab Leelaa Kee Baxaabaxsa Le Dagortî Luk Taamitak Geytimah Yaniimitiiy Yaabe. Jappaan Doolatak Qokol Geytimteh Tan Bawaabir(Makaayiniiy) Agaarad Komishiinik Baxaabaxsa Le Rakaakayitteh Caddol Takkeh Tan Tamoomih Sissikaaneh Qokoluh Kaxxa Caddo Leh Tanim Qagitakaay Yescesse. Itiyopiyal Jappaan Ambaasadderih Yan Shibaata Heronoruuy Jappaan Doolat Ta Komishineh Abtah Tan Qokol Diggoosak Gexe Leh Tanimiiy Kassiise.
Perzexeti Sahle Worke Zewxe Siwiizer lanxil mannowta Itiyoppiyah xaylo lih walalte
Apr 13, 2024 103
Addis ababa Qasa dirrik 5 sanat 2016 (ENA) IFDR ih Perzexeti Sahle Worke Zewxe Siwiizer lanxil mannowta Itiyoppiyah xaylo lih Baaxol magaalal Walaltem yiysixxigen. Perzexeti Sahle Worke Zewxe Baaxol magaala Ayrok 11 sanat 2024 A. L. L. Gexsitteh 3 heele baad caddoh qokolih koboxut tengele. Tahak xaqut Siwiizer lanxil geytimta Itiyoppiyah xaylo lih walaltem warsen. Irol mannowtah tan Itiyoppiyah xaylo elle yaniinih yanin baaxo ken baaxoh fanih qalli akah diggoowannah macalaanam faxximtam Perzexeti Sahle Worke Zewxe kassisse "Nanu Itiyoppiyah xaylok salaamat tanim asmituk taqabitte walal kee agaaradah nafdigem nek faxximta" inteh tan Perzexeti Sahle Worke Zewxey, kulli num isil tan dirkik yawqem faxximtam tiysixxige. Ta koboxul Jeneeval IFDR ih doolatak madab farmoytaay, dudda le Ambaasaxxer Segaabu Kebbebew xiyasboorah adoytit lih elle faxximma tannal taamitu waah yanim ascassuk, xiyasboora kulli luddal gabat agle akah haysitan innah ken qokole lem yiysixxige.
Saay Kee Amni Cayli Saay Darraqossah Tan Buttal Beyah Yan Maaqatta Diggoysak Gexe Leh Yanimiiy Qaddoyse.
Apr 13, 2024 85
Addis Ababa Qasa-Dirrik 4/2016(ENA):-Saay Kee Amni Mallah buxa Addis Ababal Uqrat Tangayyeh Tan Umam Abeenitil Biyah Yan Maaqatta Diggoysak Gexe Leh Yanimiiy Yiysixxige. Saay Kee Amni Cayli Asaaku Mangaafâ Rettiimaamih Yeceh Yan Maybalaalaqal Naahu Sennay Inxarge Tarqhqhegn Deqsitah Yan Umam Abeenit Buttah Saqal Kee Abiniizer Gashshaw Abaaye Deqsitah Yan Ta Buttah Adoyta Saay Caylittê Luk Abeenih Yanin Rusasti Gacaagacsal Saay Caylih Katuk Maaqatta Keenil Gexxeh Tanim Kee Habtaamu Inxarge Tessemma Deqsita Ta Buttah Adoyti Lowsis Guba Culak Fokkaaqo Kak Akkuk Geytimtah Tanimiiy Timixxige. Addis Ababa Kee Dariifal Ta Buttah Adoytit Uqrat Gacak Qarkakisiinu Kee Saay Darraqoosaanamih Farmo Haysitak Sassot Sugeenih Yaniinim Kee Ta Buttak Tahat Radeenih Yannim Tahallihiiy Kassiisen. Naahu Sannay Migaq Leh Tan Buttah Adoytit Ta Buttah Farmoo Kee Uma Abto Abbinousoonuh Aydakaakan Beeh Yan Qunxaaneyti Sugeh Yanim Kee Tahahaay Maaqiddaay,Lojistiksii Kee Kalah Tan Qokolitte Iroo Kee Addak Gaaboysak Missooseenih Sugeenim Ta Maybalaalaqalaay Qaddoysen. Ta Butta Qarkakisiini Gaaditte Gixissuh Addis Ababak Sissin Dariifal Angayyuk Sugeenim Takkay Ikkah Saay Kee Amni Caylih Mablak Irot Suge Weenih Yaniinim Tahallihiiy Kassiisen. Ta Qarkakisah Buttah Adoytit Asaakî Macsentaay Bidi Loowo Kak 2C 14373A/A Baaburut Antaffaquk Booleh Dariifak Warada 3 Migaq Leeh Miliniyyem Handagih Dariifal Qarkakisiini Taama Aboonih Bical Elle Sugeenih Canin Udduurul Saay Dagorti Gaba Yaceenimil Ken Faxxa Way Tohuk Taturak 2 Takkeh Tan Poolis Adoytiitil Kaxxa Biyak Kataaseenih Yaniinimitiiy Yaaben. Tonnah Kaaduuy Gifta Inxaashaw Geetinnit Migaq Leh Yan Lokkobiseeni Ta Qarkakisiini Taamal Ken Qokle Cineh Yan Way Ta Qarkakisa Kaa Qiddeh Tanimiiy Timixxige. Ta Qarkakisah Butta Amcari Rakaakayal Abtah Tanim Ayyaaqe Tet Waytam Elle Tubleh Tanikkel Addis Ababa Kee Dariifal Qarkakisiini Taama Gibbatta Way Tah Addis Ababah Ayyuntaa Kee Saay Kee Amni Caylih Macalal Lowsis Guba Culak Geytimaanaah Yaniinim Kee Addis Ababah Ayyunti Kulli Caddol Amni Dacayril Saay Caylih Xaqut Soolaanam Faxximtah Tanimiiy Kassiisen. Ayyuntiiy,Bohoy Leh Tan Caagiida Yableh Yan Way Dumaak Kah Abannah Saay Kee Amni Cayla Yaysixxigeenimih Taama Diggoysak Gexaanam Faxximtah Tanim Ta Caylih Maybalaalaqaay Tascasse. Qasa-Dirrik 4/2016 I.L.L Saay Kee Amni Caylaay Addis Ababa
29heele madabiinô koboxul maloktî malah buxa baxaabaxsa le tatrusse
Apr 11, 2024 97
Maloktî malah buxa 29 heele madabiinô koboxul baxaabaxsa le caagiidal walal abeenik gamadal marrgaqooqi tatrusen. 1. Malâ buxa qimboh elle Walaltem doolat Abbatiinok ux qaguntih kukta Kee Magcaggur le pooliisih abbinoosu. 2. Nammayah Tawwatawwata qunxa qunxa inter piraayizwa Kee fanti inter piraayizwa Kee kaxxa Interpiraayizwak ux qaguntih kukta walalen. 3. Sidocuh malâ buxa dariifâ dacayrih Abbatiinoh abninal walalak ux kukta akah yeyyeeqeen. 4. Fereeyih malâ buxa Itiyoppiyak caddoodâ kuktal walalen. 5. Konooyuh, Sene-silkik uxu kuktal walalen. 6. Leceeyih Itiyoppiyak Sene-silki Inistitiyuut akah xisan innah xayyoowe kuktittel walaleen. 7. Malciinih Itiyoppiyak Agat Akrixiteshin Ku/buxa xisoonuh, xayyoowe ux kuktal walalen. 8. Itiyoppiyak edde alaggiyyi qukkunussoh fanteenà qusba addah xisoonuh xayyoowe kuktal walalen. 9. Ella caboh xabbô maritte kee xabbok gacisan marih ayfaafay wagittaamal xayyoowe ux kuktal walalen.