Denmarkik Daddos Pooliisih Malah Buxak Gaaboyseh tan Gifti Ane Mete Keyer miraacissa Erga luk xaloot le walal abe-Naharsí Saqal Cajji Awwal Qarba - ENA Qafar Afa
Denmarkik Daddos Pooliisih Malah Buxak Gaaboyseh tan Gifti Ane Mete Keyer miraacissa Erga luk xaloot le walal abe-Naharsí Saqal Cajji Awwal Qarba
Addis Ababa Qasa dirrik 08/2016 ( ENA)
Xenmarkik Daddos Pooliisih Malah Buxak Gaaboyseh tan Gifti Ane Mete Keyer miraacissa Erga luk xaloot le walal abeh yanim Naharsí Saqal Cajji Awwal Qarba yiysixxige.
Naharsí Saqal Cajji Awwal Qarba Ayyuntiinô ratteemak isi Facebookih golil tatruseh yan ux farmol elle yescesseh yan innal asaakih ayro Xenmarkik Daddos Pooliisih Malah Buxak Gaaboyseh tan Gifti Ane Mete Keyer Kee Itiyoppiya kee Afrikah inkittiinoh Eglal Denmarki Ambaasaxxerih tan Gifti Kira Simiz Sinxibjergi miraacissa Denmarki doolatih erga isi Maktabal hirigak walalisem yiysixxige.
Tama angaarawal Qafar Rakaakayal sarrimaane le daddos daabimuh Denmarki Doolat lih ogoysimak elle maqarroosaanam duudan cogda wagittaamal baar luk walaleenim Cajji Awwal Qarba tatruseh yan farmol diggoyse.
Tah tannal anuk, Naharsí saqal Massakaxxa le Cajji Awwal Qarba Denmarki Doolat Qafar rakaakayih Doolat kee ummattah abak geytinta qokol taamoomi kaxxam faatitam keenih diggoyse.