Magaalaa Walisootti bunni seeraan alaa kuntaalli 80 qabame - ENA Afaan Oromoo
Magaalaa Walisootti bunni seeraan alaa kuntaalli 80 qabame
Amboo Amajji 1/2011 Godina Jimmaa irraa gara Finfnneetti seeraan ala fe’amee
deemaa kan ture Bunnni kuntaalli saddetama godina Shawaa kibba lixaa magaalaa
walisootti qabamuu isaa poolisiin beeksiseera.
Itti gaafatamaan diviiziyoonii komonikeeshinii qajeelcha poolisii
Magaalaa Walisoo komaandar Kabbadaa Badhaadhaa tajaajila oduu Itoophiyaaf
akka ibsanitti, bunichi kan qabame hawaasni magaalichaa eeeruu poolisiif kenneenidha.
Bunichi kaleessa naannoo halkan walakkaa konkolaataa fe’insaa “FSR”
lakkoofsi gabatee isaa koodii 3-00913 A.A tti fe’amee utuu deemaa jiruu
magaalaa waliisoo yuniversiitii duubatti qabamuu isaa himaniiru.
Bunicha seeraan ala gochuu kan danda’e konkolaachisichi eeyyama malee
gubbaan boqqolloo jalattimmoo buna seeraan alaa fe’uun Jimaa gara
Finfnneetti galchuuf yaaluu isaati.
Komaandar Kabbadaan akka jedhanitti, “konkolaachisaan yeroof
miliqus poolisiin gargaaraa isaa seera jala oolchuun sakatta’insa barbaachisaa ta’e
godhaa jira” jedhaniiru.
Bunni qabame qarshii kuma 640 olitti akka tilmaamamu eeraniiru.
Gocha seeraan alaa dhorkuuf uummanni naannoo hirmaannaa gochaa jiru
akka itti fufu ergaa isaanii dabarsaniiru.