Taankaroonni kuusaa bishaanii fi ogeessonni bishaanii gara Tigraayitti ergamuusaanii ministeerri bishaanii fi Inarjii ibse

Sadaasa 14/2015 (TOI)---Ministeerri bishaanii fi inarjii taankaroota kuusaa bishaanii fi ogeessota bishaanii karaa Gondar Humaraa gara Tigraayitti erguusaa beeksise.

Ogeeyyonni bishaanirratti hojjetan meeshaalee addaddaa waliin ergamuusaaniiis ministeerichi himeera.

Gama biraatiin paampiiwwan yuuniiseefirraa argaman human aduutiin socho’anii fi bishaan harkisan karaa Waldiyaa Qobboo gara Tigraayitti ergamuunsaanii beekameera.

Ogeessota Yuuniiseef naannoo Tigraayi Shireetti argaman waliin ta’uun paampiiwwan bishaan harkisan kanneen bishaan barbaachisuuf akka qoodamu ministeerichi beeksiseera.

Waliigalteen nageenyaa Afriikaa Kibbaa Piriitooriyaatti taasifamuusaatiin bu’uraalee misoomaa manca’an suphuu fi deeggarsa namoomaa qaqqabsiisuun gama mootummaatiin cimee itti fufuunsaa ni beekama.