Atileetonni Itiyoophiyaa maaraatoonii Chaayinaa Choongikiingi irratti saala lachuunuu mo’atan

Bitootessa 23/2011 Atileetonni Itiyoophiyaa maaraatoonii Coongikiingi kaleessa Chaayinaatti adeemsifameen saala lamaanuu aileetonni Itiyoophiyaa mo’ataniiru.

Atileetii dubartootaatiin Abarruu Makuriyaa sa’aatii 2 fi daqiiqaa 24 fi akondii 30n yoo mo’attu, fageenya kanaan baatii Muddee bara 2011 maaraatoonii Ispeen Vaaleenshiyaatti sa’aatii 2 fi daqiiqaa 24 fi sakondii 35n kan ittiin galte sa’aatii dhuunfaashee sakondii 5niin fooyyessiteetti.

Atileetiin Chaayinaa Lii Ziijuwansa’aatii 2 fi daqiiqaa 27 fi sakondii 56n lammaffaa yoo baatu, atileetiin Chaayinaa kan biraan Hee Yinlii sa’aatii 2 fi daqiiqaa 29 fi sakondii 14n galuudhaan sadaffaa baateetti.

Atileet Abarruun kiiloomeetiroota xumuraa morkataa tokko malee qofaashee fiiguudhaan dorgommicha mo’atteetti.

Dorgommii dhiirotaan Atileet Jimaa Shaambal fi Lammiin Keeniyaa Edwiin Kiibeet yeroo wal fakkaatu sa’aatii 2 fi daqiiqaa 10 fi sakondii 28n kan xumuran yoo ta’u, Teekinooloojii Footoo fiiniishiingiitiin Atileet Jimaa Edwiit Kiibeet dursee galuudhaan mo’ateera.

Dorgommiin atileetonni lamaan taasisan dawattoota bakkatti argaman kan hawate akka ture ture waldaan federeeshinoota atileetiksii idil addunyaa weebsaayitiisaarratti gabaasera.

Atileetiin Keeniyaa Maayikil Nijeengaa sa’aatii 2 fi daqiiqaa 10 fi sakondii 33n sadarkaa sadaffaa ba’eera.

Maaraatooniin Choongikiingi waldaa federeeshinoota atileetiksii idil addunyaatiin dorgommii sadarkaan Warqee kennameefidha.

Gama biraatiin atileetiksii dubartootaa maaraatoonii walakkaa Poolaandi Waarsootiin Abebech Mulugeetaa sa’aatii 1 fi daqiiqaa 12 fi sakondii 19n sadaffaa baatee xumurteetti.

Atileetiin Keniyaa Gilaadiyees Kiipko’ech sa’aatii 1 fi daqiiqaa 10 fi sakondii 19n yoo mo’attu, atileetiin Keeniyaa kan biraan Taabiyaa Waambut sa’aatii 1 fi daqiiqaa 11 fi sakondii 7n lammaffaa baateetti.

Diirotaan atileetonni Keeniyaa Gilbert Maasaayi, Piiter Kiruuyii fi Siilaas Kiiptoo sadarkaa tokkoffaa amma sadaffaa qabachuudhaan olaantummaadhaa xumuraniiru.

Walakkaa maaraatooniin Waarsoo waldaa federeeshinoota atileetiksii idil addunyaatti dorgommii sadarkaan meetii kennameefidha.