IMF guddinaa fi ce’umsa dinagdee  hunda galeessa Itoophiyaaf  deeggarsa taasisu  akka  ittifufu  mirkaneesse

Onkoloolessa 4/2019 (ENA)  Dhaabbanni Maallaqaa Addunyaa (IMF) deeggarsa ce’umsaa  fi guddina diinagdee hunda-galeessa Itoophiyaaf taasiisu haala fulla’aa ta’een  kan ittifufu ta'uu beeksiseera.

Walgaa’iin waggaa Dhaabbata Maallaqaa Addunyaa (IMF) fi Baankii Addunyaa Taayilaand, Baankokitti gaggeeffamaa jira.

Walga’icharratti  garee jilaa  Bulchaa baankii  biyyaalessaa Itoophiyaa  Dr.Iyyoob Taakkaallanyiin durfamu  hirmaachaa jira.

Walga’icha cinaatti Dr. Iyyoob Takaaliny  itti aanaa daarektara   IMF Naayijeel Kilaarki  waliin marii taasiisaniiru.

Naayijeel Kilaarki, kaka'umsa, carraaqqii fi kutannoo cimaa Itoophiyaan riifoormii dinagdee itti fufsiisuuf  qabdu dinqisiifataniiru.

Biyyattiin qormaatilee ishee mudatan dandamachuudhaan  kutannoo fi    jijjiiramicha  ittifufsiisuuf  dandeettii ishee  irratti xiyyeeffannoo kennanii dubbataniiru.

Dabalataanis  Itti aanaan Daarektarichaa, IMF  hariiroo Itoophiyaa waliin qabu caalaatti cimsuuf fi tarsiimoo jijjiiramaa fi guddina diinagdee hunda-galeessa biyyattiif  deeggarsa waaraa taasiisu caalaatti cimsee kan ittifufu ta'uu mirkaneessaniiru.

#Biyya Guddoo, Ummata Guddaa # Mul'ata Guddaa!