Liigicha dursaa kan jiru Maanchistar Siitiin Koventarii Siitii waliin ni taphata

Hagayya 30/2018 (ENA)-Piriimar liigii Ingilizii torban sadaffaa oolmaa guyyaa lammaffatiin taphoonni torba ni gaggeeffamu.

Guyyaa keessaa sa’aatii 11 irratti Istaadiyeemii Itihaaditti Maanchistar Siitiin haaraa kan guddate Koventarii Siitii waliin ni tapahata.

Maanchistar Siitiin Liigicha qabxii jahaan dursaa jira. Koventarii Siitiin galchii malee sadarkaa 17ffaa irratti argama.

Sagantaa biraatiin guyyaa keessaa sa’aatii 11tti Notiingihaam Foresti fi Totenihaam Hotisparsi Istaadiyeemii Siitii Giraawunditti ni taphatu.

Galgala keessaa sa’aatii 1 fi walakkaatti Huul Siitiin Astonviilaa waliin Istaadiyeemii emmi kee emmitti ni taphatu.

Sagantaalee birootiin Bireentifoordi Sandarlaandi, Fulhaam Kiristaal Paalaasii fi Biraayitan Liidsi Yunaayitid waliin sa’aatii 11tti ni taphatu.

Guyyaa keessaa sa’aatii 8 fii walakkaatti Niwukaastil Yunaayitid Bornimaawuz waliin Istaadiyeemii Seenti Jemsi Paarkitti ni taphatu.