Misoomni Qurxummii Haroo Nigaat hedduu keenyaaf carraa hojii kan uumee fi  fayyadamoo kan nu taassisedha-dargaggoota

Onkoloolessa 5/2018(TOI)-Misoomni Qurxummii Haroo Nigaat  hedduu keenyaaf  carraa  hojii kan uumee fi  fayyadamoo  taassisuu  Hidha Haaromsa Guddicha Itiyoophiyaatti  Dargaggooni  hojii Misooma Qurxummiirratti bobba’an dubbatan.

 Hidha Haaromsa Guddicha Itiyoophiyaarraa kan kuufame Haroon Nigaat Odoolawwan 70 ol  kan qabuu fi bakka hawata Turistii guddaa yoo ta’u misoomni Qurxummii madda galii guddaa hawaasa naannichaa ta’aa jira.

Naannoo Benishaangul Gumuzitti dargaggoonni hedduun Haricharraatii Qurxummii   kiyyeessuun gabaaf dhiheessuun ofirra darbanii namoonni  biroon  fayyadamoo akka ta’an gochaa jiru.

Dargaggoota Hojii kanaratti bobba’anii jiran keessa TOI’n dubbise Misoomni Qurxummii  Haroo Nigaat carraa hojii hedduu keenyaaf uumeen fayyadamoo nu taassisaa jira jedhaniiru.

Naannichatti Aanaa Mangee Ganda Firdoositti Dargaggoota Waldaan Gurmaa’anii  Qurxummii kiyyeessan keessaa Mikaa’el Anajum fi Ramadaan Sayyid, Haroon Nigaati Bakka bashannanaa Dinqisiisaa fi bakka argama Misooma Qurxummii ta’uusaan baay’ee keenya nu fayyadadeera, kanattis gammanneera jedhaniiru.

Misooni Qurxummii harichaa naannichatti Madda galii haarawaa fi filannoo soorataa murteessaa ta’ee hojjetamaa jiraachuu dargaggoonni kunneen dubbataniiru.

Godaantonni Sudaaniirraa dhufanii naannicha qubnatanii jiran Qurxummii gatii madaalawaandargaggoota kanarraa fudhachuun mana Nyaataa banatanii hojjechaa jiraachuu dubbachuun kanattiis gammadneerra jedhaniiru.

Godaantota keessaa Abdulbagiinuurii fi Dargaggoo Indriis Ariyaa, Hidhi Haaromsaa madda Ifaa ta’urra darbee keessumaa Misooma Qurxummiin Itiyoophiyaarra darbee  nuunis fayyadeera jedhaniiru.

Mootummaan Itiyoophiyaa Godaantota simachuun michuu gaafa rakkinaa ta’uusaan gaarummaa argisiiseef galateeffachuun hawaasni naannichaa waan hundaan waloon akka fayyadamnu  taassisaa jiraachuu fi Itiyoophiyaan Mana keenya lammataa taateetti  jechuun dubbataniiru.

Naannichatti itti Aanaan Bulchaa Aanaa Mangee  Obbo Saalaah Raahimatalaa, Eebbi Hidha Haaromsa hedduu ta’uusaanii ibsuun, Keessumaa Qurxummiin Haroo Nigaat jireenya Dargaggootaa jijiiraa jirachuu kaasaniiru.

 Aanichatti jiraattonnii fi Godaantonni hedduun qubatanii jiran fayyadamoo qabeenya Qurxummii ta’uusaanii ibsaniiru.

Haroon Nigaat Bishaan Meetir kuubii Biiliyoona 74 kuufachuusaa,  Odoolawwan 70 ol  fi  bal’ina Hektaara Kuma 187 fi 400  kan qabu ta’uun ni beekama.