Ayyaanni Irreecha Hora Harsadee Jaalallii fi Obbolummaan Itiyoophiyummaa  guddatee kan itti calaqqisedha-Hirmaattota ayyaanichaa

Fulbaana 25/2018(TOI)-Ayyaanni Irreecha Hora Harsadee Jaalallii fi Obbolummaan Itiyoophiyummaa guddatee kan itti calaqqise ta’uu Hirmaattotni Ayyaanichaa ibsan.

Ayyaana Waloomaa, tokkummaa fi Obbolummaa kan ta’e ayyaanni Irreechaa bara kana mataduree “Irreechi Bayyanachuu Biyyaaf” jedhuun kabajamaa jira. 

Ayyaana Irreechaarratti walooma, tokkummaa fi Obbolummaan argan dinqii ta’uu  hirmaattonni Ayyanichaa dubbataniiru.

Hirmaattota Ayyaanichaa yaada kennan keessaa Abbaa Gadaa Kattaa Birruu, Irreechi Nagaa, Jaalala, dhiifamaa fi Ayyaana tokkummaa ta’uu  ibsaniiru.

Ayyaanicha haala Obbolummaa cimsuun kabajuusaanii eeruun, duudhaa aadaasaa eegee dhalootaaf dabarsuuf akka hojjetan  himaniiru.

 Hirmataa Ayyaanichaa Magarsaa Baddeechaa, tokkummaan, waloomnii fi  obbolummaan Ayyaanicharratti argan kan nama gammachiisu ta’uu dubbataniiru. 

Bishooftuun Misooma KoriidaraanMiidhagdee Ayyaanicha haala ho’een  keessummeessuushee eeruun,  hojiin misoomaa kun  adda ta’uu ibsanniiru.

 Ayyaanni Irreecha Hora Harsadee Walooma, obbolummaa, tokkummaa sabdaneessummaa  haala calaqqisiisuun  kabajamuu dubbataniru.  Ayyaanicha keessummoota guutuu  itiyoophiyaatii dhufan waliin  haala walooma jabeessuun kabajuusanii kan ibsan immoo  Yashii Yeeyyiiti.

Irreechi Ummanni Oromoo Ayyaanota  dinqisiisoo waggoota dheeraaf eegee tursiise keessaa tokko ta’uu eeruun ibsituu jaalalaa fi waloomaa ta’uu  dubbataniiru.

Ayyaanni Irreecha Hora Harsadee ayyaana tokkummaan, Obbolummaan,  waliif yaaduun itti calaqqise ta’uu obbo Mo’aa Kabbitoo ibsaniiru.