Teekinooloojiin Faalama Qilleensaa hir’isu  Naannoo mijataa fi nagaa qabeessa uumuuf   dandeessisa

Hagayya 24/2017(TOI)Teekinooloojiin faalama Qilleensaa hir’isu Konkolaattotarratti     maxxansuun naannoo mijataa fi nagaa qabeessa  uumuuf akka dandeessisu  Ministeerri Geejibaa fi Loojistiksii  ibse.

Qajeelfamni to’annoo faalama qilleensaa konkolaataa keessaa bahu Fulbaana  bara 2018  irraa eegalee hojiirra oolchuuf hojjetamaa  jira.

Qajelfamni Faalama Qileensaa Lakk.1051/2017 hojiirra yeroo oolu, faalama Qilleensaa hir’isuu fi itti fayyadama boba’aa fooyyessuurra darbee rakkooTeeknikaa balaa tiraafikaa  Konkolaachistootaan mudatu hir’isuu nidandeessisa.

Qajeelfamichi konkolaattonni teekinooloojii faalama gaazii hir’isu maxxansuun faalamni qilleensaa  akka hir’isuuf  kan akeekedha.

De’eetaan Miniatira Geejibaa fi Loojistiksii Bari’oo Hasan TOI waliin turtii taassisaniin akka ibsanitti, Itiyoophiyaan faalama Kaarboonii Konkolaataa keessaa bahan hir’isuuf hojii bu’aa qabeessa  raawwachaa jirti.

Kanneen Keessaa konkolaattonni boba’aa akka alaa hin galle dhorkuun  faallaasaan faalama qilleensaa kan hin hordofsiisne  konkolaattonni Eleektiriikaa hojiirra akka oolaniif hojii hojjetame akka fakkeenyaatti kasaniiru.

Qajeelfamichi Konkolaatoota sadarkaa gad-lakkifama hin guunne irratti dirqama  teekinooloojiiwwan gad-lakkifamuu hir’san akka fayyadaman ta’uu  dubbataniiru.

Qajeelfamni Jijiirama Qilleensaa Ittisuuf qophaa’e kun Fulbaana bara 2018 eegalee konkolaattota  guutuu biyyaatti  irratti hojiirra oolchuuf karoorfamuu dubbataniiru.

Konkolaattonni sadarkaa ka’ame hin guunne Teekinoooojii faalama qilleensaa maxxansuun   akka eegamu beeksisuun, teekinooloojiiwwan gad- lakkifama aaraa fi itti fayyadama  boba’aa sirreessan haala ga’aa ta’een qophaa’aa jiraachuu dubbataniiru.

Qajeelfamichi faalamni qilleensa konkolaataa keessaa bahu dhiibbaa hamaa fayyaarratti  geessisu, akkasums dhiibbaa qilleensarratti fidu hir’isuuf  kan deeggaru  ta’uu ibsaniiru.