Yaa’ichi hojiiwwan jijiirama haala Qilleensaa Ittisuuf hojjetamaniif deeggarsa ni taassisa

Hagayya15/2017(TOI)-Keessummoota yaa’ii jijiirama Qilleensaa 2ffaa Itiyoophiyaan qopheessitu irratti hirmaatan simachuuf qophiin xumuramuun ibsame.

Odeeffannoon Marsariitii Waajjira Ministira  Muumeerraa  argame akka  mul’isutti, Qaammee 3 hanga 5 bara 2017 yaa’iin Jijiirama Qilleensaa Afriikaa  gaggeeffamu galmoota adda addaa akka qabu eeraniiru.

Bu’uuruma Kanaan galmoota keessaa tokko tumsa ijoo hojii  Misooma Magariisaa Afriikaa deeggaruuf dandeessisan uumuun isa tokko ta’uu odeeffannichi  nimul’isa.

Dabalataan  humna  Afriika sadarkaa  waltajjiiwwan Idil-Addunyaatti dhageettii argamsiisaniif guddisuuf  akka gargaaru  eerameera.

Yaa’ichi qopheessummaa  finfinneen  gaggeeffamuunsaa  Itiyoophiyaan tarkanfiiwwan furmaataa Afriikaan durfamuuf  tattaaffii ittijirtu  kan argisiisudha jedhameera.

 Bakka bu’oota dhaabbilee Idila Addunyaa fi gaggeessitoota biyyootaa dabalatee qooda fudhattoonni yaa’icha irratti akka hirmaatan waajjirichi beeksiseera.