Itoophiyaan sagantaa biyyaalessaa hojiirra oolmaa karoora jijjirama qilleensa baramaaf deebii kennuu ifoomsite.

Waxabajjii 26/2016(TOI) - Itoophiyaan sagantaa biyyaalessaa hojiirra oolmaa karoora jijjirama qilleensa baramaaf deebii kennuu ifoomsite.

Sagantaa saganticha ifoomsuu irratti Itti aanaa Ministira Muummee obbo Tamsgeen Xurunee dabalatee Ministiroonnii, hoggantoonnii dhaabbilee federaalaa fi naannolee akkasuma kan idil addunyaarratti argamaniiru.

Obbo Tamasgeen Xurunee sagantaa kanarratti Itoophiyaan sababa jijjirama qilleensa baramaan irra deddeebiin hongee fi balaa lolaaf saaxilamuu himaniiru.

Kanaaf bu'uura waliigaltee jijjirama qilleensaa Paarisiin hanga bara 2022'tti kan turu sagantaa biyyaalessaa hojiirra oolmaa karoora jijjirama qilleensa baramaaf deebii kennuu kan fedhiirratti hundaa'e qopheesiteetti jedhaniiru.

Waggoota soddomman dhufaniif tarsimoo dinagdee magariisaa jijjirama qilleensaaf hin jilbeeffanne kan qabdu ta'uus himaniiru.

Itoophiyaan jijjirama haala qilleensa irratti gahee ishee qabatamaan bahachuu kan ittiin mul'iste keessa sagantaan ashaaraa magariisaa tokko ta'uu eeranii, waggaa shan keessatti biqiltuu biliyoona 32.5 dhaabuun ciminaa fi tattaaffii ishee addunyaatti mul'isteetti jedhaniiru.

Sagantaan ashaaraa magarisaa marsaan jahaffaas jalqabuu himanii milkaa'ina isaafis cimanii hojjechuun barbaachisa ta'uu hubachiisaniiru.

Dhiibbaa jijjirama qilleensaan dhufu qolachuuf sagantaan hojiirra oolmaa karoora jijjirama qilleensa baramaaf deebii kennuu har'a ifoome kun bu'aa barbaadamu akka buusuuf gaheen mootummaa, damee dhuunfaa fi dhaabbilee idil addunyaa olaanaa ta'uu ibsaniiru.