Cokmi Buxaaxik 2018 Mizaaniyyat Liggidih Ikraarok Abbinoos Gabbaaqu Mala Buxal Xayyoosen .

Addis Ababa,Ximoli-Alsak 03,2018 (ENA)Rakaakayak Cokmi Buxaaxik 2018 Mizaaniyyat Liggidih Ikraarok Abbinoos Gabbaaqu Gexsitak Geytima Rakaakay Miglisik 10 Heele Madabiino Koboxul Xayyoosen.

 

Gabbaaqu Xayyooseh Yan Rakaakayak Sengerra Cokmih Buxah Presixenti Massakaxxa le Muusa Qabdo Iyyeemih Qafar Rakaakayih Caddol Madqa Daga'rraq Diggoosaanah, Ummattak Gino Gaar Dacrisaanamal Fidin Taamoomi Tekkeh Tanim Kassiise .

 

Cokmi Buxaaxih Caddol Sanax Xijtaalayzeeshin Fan Korisak Qasriino Bahsiisaanamal Assakat le Taamoomi Tekke Iyyeh Yan Gifta Muusa Qabdo Cokmi Mattacoh Ayfaafayak Qadliino Yasmiteenimil Taamoomi Tekkeh Tanim Yiysixxige.

 

Qadli Baarisso kee Banaadamiino Gar Maqarroosaanam Wagittaamal Baxaabxsa le Doolat Takku Doolat im Akke-Sinni Missoynaani Luk Cattiimak Taamitak Geytimaanam Kee Gar-Gurah Baxaabxsa le Aydakaakanitte Acayuk Geytimaanah Yaniinim Yescesse .

 

Ummatta Sengerra Cokmih Buxal Mabla Yelleenik Hinna-immay Keenik Taturteh tan Xagni Ayroh Kassiis Yelleenik Maktab fan Yamaateenim Keenik Qambalsime-ikkah Cinda Silkih Loowo "6931" Kalluwusak Ayfaaf Geyaanam Xiqaanah Yaniinim Gifta Muusa Qabdo Illacabol Abeh Yan Yaabal Yiysixxige .

 

Rakaakayak Sengerra Cokmih Buxah Presixenti Xayyooseh Yan Mizaaniyyat Liggidih Gabbaaqul Mala Buxah Adoytiit Baxaabxsa le Esseroora Kee Mablooli Edde Ugusak Geytiman .