Doolat Agat Mangantiina Maqarroysak Baaxô Salaam kee Dadal Daabimuh Taamitak Geytima - Naharsi Malaak Abiyyi Acmad (PhD)

 

Addis Ababa Ximolik 02/2018 (ENA) Doolat Agat Mangantiina Maqarroysak Baaxô Salaam kee Dadal Daabimuh Taamitak Geytimam Naharsi Malaak Abiyyi Acmad (PhD) Qaddoysem. 

 

Naharsi Malaak Abiyyi Acmad PhD OBN Lih Mablâ Garay Gexsem.

 

Naharsi Malaak OBNil Yeceh Yan Mablâ Garayal Rakaakay Takku Gersi Baaxoh Exxaaxil Yanbulleh Yan Saay Taqabih Baxaabaxsale Sababitte Tanih Tanim Qaddoysem. 

 

Saay Taqabittek Qimbô Sabab Ximokraasih Tabaatabsi Yakkeh Yan Way Yaafeh Yan Taqabi Kinnih Tanim Yescessem.

 

Baaxô Salaam Taturte Sanootat Mango Aqayyaareeral Tabak Yemeetem Yescesseh Yan Naharsi Malaak Ayyunti Ta Caalat Cubbussam Faxximtah Tanim Kassiisem.

 

Tonnah Kaadu Naqboytit Qaduuk Bicak Fantaaxaw Maqarroysak Geytimaanam Takkay Immay Ta Caalat Addigillelem Qaddoysem.