Sanat 2018 Mizaaniyyat Liggidih addat 142 Alfiik Dagah Hektaaral Buqre Tekke - Cajji Awwal Qarba

Addis Ababa Ximolik 02/2018 (ENA) Mizaaniyyat Liggidih Addat 149,Alfiiy 875 Hektaar Yabquroon
uh Ikraarisak 142 Alfiiy, 675 Hektaar Buqret Buulaanam Xiiqinteh Tanim Rakaakayak Naharsi Saqal Cajji Awwal Qarba Mala Buxah Xayyoosak Geytima Gabbaaqul Yiysixxige .

 

Milaaguk Duma Ballaaqe Satqo (Maxaaberya ) Masuginnam Yescesseh Yan Cajji Awwal Qarba Mizaaniyyat Liggidih addat 47 Alfiiy, 341 Kuntaal Ummattah Keefaanam Xiiqinteh Tanim Kee Tah Kaaduk Ikraarok Booltal 94.6 Gaba Abbinooseenih Yaniinim Diggoose .

 

Tama Buqrek Abbinoos Wagitna Waqdi Sanat addat 5 Miliyoonuy, 400 Alfiiy, 697 Kuntaal Gaaboosaanam Xiiqinteh Tanim Kassiiseh Yan Cajji Awwal Qarba Abbinoos Booluk 96 Gaba Kinnih Tanim Kassiise .

 

Milaaguk Duma Qafar Rakaakayal Buqrek 1 Miliyoonuy, 610 Alfih Kuntaal Dibuh Geytimak Sugem Kassiiseh yan Cajji Awwal Qarba Milaagi Sanootah Addat 5.4 Miliyoonih Kuntaal Gaaboosaanam Xiiqinteh Tanim Yiysixxige.

 

Anxaxin Raatih Caddol Milaaguk Duma 67 Alfih Caxa Dibuh Daabiseenih Sugeenim Ascassuuk Tatre 8 Liggidih addat 41 Miliyoonuuy, 184 Alfiiy, 541 Caxa Daabisaanam Xiiqinteh Tanim Rakaakayk Naharsi Saqal Cajji Awwal qarba Mala Buxah Adoytiitih Xayyoosak Geytima Gabbaaqul Qaddoose .

 

Mizaaniyyat Liggidih addat 245, Alfiiy, 737 Yakke Hektaarat Lee, Ballaaqe kee Gino Gaddih Dacayrih Taama Abeenih Yaniinim Qafarak Mangaafa Retteemah Oyti Yascassem.