Saqbiyyah Xinto Qasbadih Afal Qafar Ummattal Baahak Geytiman Gibdaabinak Taturak Dariifa Salaam Waysiisak Geytiman- Gifta Yaasin Macammad

 

Addis Ababa Ditalik30/2018(ENA)Saqbiyyah Xinto Qasbadih Afal Qafar Ummattal Baahak Geytiman Gibdaabinak Taturak Dariifa Salaam Waysiisak Geytimaanam Qasbadih Qafarih Ximokraasih Missoynak Siyaasa Langih Saqal Gifta Yaasin Macammad Qaddoose.

Qasbadih Qafarih Ximokraasih Missoynak Siyaasa Langih Saqal Gifta Yaasin Macammad Ityoppiyak Xaagi Raceenak Qafar Afih Exxaluk Abeh Yan Mabla Garayal Iyyeemih Qasbadih Qafarak Mano Rakuh Elle Tanim Qasbadat geyan Tuxxiq Kinnim Qaddoose.

Warrayte Liggiditteh Addat Baddi Afak Qafar Ummatta Saaxisoonuh Makcaggur Akah Daffeesak Saqbiyyah Xinto Qafar Le Guubuk Duffusak Ayyuntal Samad Bayis Gaadu Abak Geytimaanam Yescesse.

Qasbadih Qafarih Ummatta Geographic Casbit Haak Siyaasay Qidaddooy, Ayyuntiinok Deelak wadirih Akah Raaqan Innah Abak Ayyuntal Mangoh Yan Gibdaabina Kataasak Geytimaanam Qaddoose.

Saqbiyyah Siirat Qasabadih Qafarat Samad Baysi Gaadu Abak Dariifal Sarrimaane le Salaam kee Sabhalal Kah Anewaannah Abak Geytimaanam Qaddoose.

Saqbiyyah Xinto Tsemdo Migaq le Butta Xisak Dariifa Salaam Darraqoosak Xakakway Kee Kookaxaw Ginoonuh Anagaggayuk Geytimaanam Yaasin Macammad Qaddoose.

Qasbadih Qafarih Ximokraasih Missoyna Salaam Faxe sinnih, Daddoosul Saduh Tan Ku-amolayyo Siiratal Quuruk Angacilluk Geytimtam Qaddoose

Ta Siirat Katewaam Fanah Eretriya Takku Dariifah Caddol Salaam Yamaatem Duudume Waam Qaddoose