2 Hayto addah Baadak Tamiri Festivaal Qunxa-Garabluh Qafar Rakaakayal Gexsitelem Timixxige. 

 

addis Ababa Ditelik 30/2018 (ENA) 2 Hayto addah Baadak Tamiri Festivaal Qafar Rakaakayih Qaasima Samara Magaalal F.L.L Qunxa-Garabluk 20-22 /2026 Aboonuh Itten-gey Yekke .

 

Tama Ittingey-Faram Haytem Federaalak Buqre Malaak Kee Tengele Qarab Imaareetih Gubat Xissinte Khaliifa Baad Caddoh Tamri Kee Buqre Kusaaqih Egla Fanat Yekkeh Yanim Warsen .

 

Ditelik 28/2018 Zoom Gitaak Gexseenih Yanin Walalat itiyoppiyah Gambik Buqre Malaakak Ciggiila Malaak Dr Xessaalegn Teshaale Tonnah To Eglak Katuk Leenah Kutbe-abeeni Dr Qabdulwahab Zaayix Ittingey Gexisseh Tanim Timixxige .

 

Tengele Qarab Imaareetit Efederih Doolatih Ambaasaxxer Dr Jemaal Bekir Tama Taddeeral Abeh Yan Yaabal Iyyeemih ta Festivaal Itiyoppiyal Gexsitam tama Luddih Dadalah Kaxxa Doori Lem Ascassuuk ,Baaxok Maaqiddi Caabih Diggoosuuy, Anxaxin Raatih Taddeeray Itiyoppiya Abbinoosak Geytinta Qokoltam Kinnih Tanim Diggoose .

 

Tama Tamri Festivaal Tamri Muryi kee Murtisso Dadlissah tan Teknolooji kee Yayse Zariyyu Yaysexeexegoonuuy, Buqre-abeenit Taqabitte Yafdigoonuuy, Murtaaba Fanal Abak Raag Tabaatabsi Yanuuy Tonnah Tama Luddal Tekkeh tan Kusaaqitte Edde Xayyooseloonum Warsen.

 

Khaliifa Baad Caddoh Tamri Kee Buqre Kusaaqih Egla Tamri Buqre kee Buqre Teknoloojih Luddal Mihrat kee Aydakaakanay, Maaliyyah Qokol Yaceenimil Tamixxige Missoyna Kinnuuk Tatre Liggidah Ni Baaxoh Caddol Qimboh addah Baadak Tamiri Festivaalal Baadak 40 Baaxooxak Tewqeh tan 450 Takke Maritte Edde Tengeleh Tanim Qafarak Mangaafa Retteemah Oyti Yascassem.