Bahirxaar Maagalal Qimbiseenih Yanin Qidaddo Kee Rakiibo Daddos Taamoomi Maqarroosak Geytiman - Naharsi Malaak Abiyyi Acmad (PhD)

 

Addis Ababa Ditalik 30/2018(ENA) Bahirxaara Magaalal Daddos Kee Dadal Ceelallo Takkuh Abak Geytiman Taamoomi Diggoosnuh Qimbisen Qidaddo Kee Rakiibo Daddoosih Taamoomi Fooca Fanah Maqarroosak Geytimaanam Naharsi Malaak Abiyyi Acmad(PhD) Qaddoose.

 

Naharsi Malaak Abiyyi Acmad(Phd) Bahirxaar Magaalak Dejeazmach Belay Zellek Baad Caddoh Tayyaarah Booxak Qusba Tirminaal Dooqaysen

Naharsi Malaak Tama Dooaysoh Aracal Abeh Yan Yaabal Iyyeemih Bahirxaara Gino Qaxamaaqaney Kee Aydaadi Nihiritte Le Baaxoy Ityoppiya Dubuk Afrilkah Qarangubah Caddol Daddos Kee Dadal Ceelallo Takkem Dudda Magaala Kinnim Qaddoose.

Boolo Liggidak Dumal Shawaay, Walleggay, Kee Gonxer Fanal Akkuk Sugeh Yan Tellemmo Fantaaxwak Fanteena Akkuk Sugtem Ascassuk Ta Aydaadi Rakaakayak Qidaddoh Angaggoyya Rakiibo Kinnim Qaddoose.

Bahirxaar Magaalal Dumaahih Aydaaduy Turiizimiy Tellemmo Fantaaxaw Diggoosak Mangoh Tan Taamoomi Abbinoosanam Duudumtah Tanim Qaddoose.

 

Magaala Caddol Takkeh Tan Rakiibo Daddioosih Taamoomi Diggoosak Aydaadi Nihrititte Asqasssubuk Korxer Daddos Edde Anuk Xaloot Lee Taamomi Elle Akkuk Geytimtam Qaddoose.

Tonnah Milaaguk Gamadal Mangoh Tan Meegah Cugaysoosa Elle Qimbisak Xaloot Le Taamoomi Akkuk Geytimtam Ascassuk Taanah Kalul Dariifal Baarisak Geytiman Turiizim Taamoomih Baxsa Le Hangi Akah Acyuk Elle Taamitak Geytimaanam Qaddoose.