Bahrixaar Magaalal Geytimta Tayyaarah Booxak Qasriyyo le Terminaal Baaxoh Adda kee Baad Caddol Qusba Mafdaga Fakalem -Naharsi Malaak Abiyyi Acmad(PhD)

 

Addis Ababa Ditalik 30/2018(ENA)Bahrixaar Magaalal Geytimta Tayyaarah Booxak Qasriyyo le Terminaal Baaxoh Adda kee Baad Caddol Qusba Mafdaga Fakalem Naharsi Malaak Abiyyi Acmad(PhD) Qaddoose.

Asaaku Bahri Daar Magaalal Xejazmach Belay Zelleqheh Tayyaarah Booxak Qusba Terminaal Naharsi Malaak Abiyyi Acmad (PhD) Elle Geytimak Dooqaysenim Naharsi Malaak Yiysixxige.

 

Itiyoppiyal Macatak Tan Haadaytoh Aroocak Tiyak Teenah Tan Bari Xaar Tayyaarah Booxa Baarisak, Qusbah Yan Teminaal Dooqaysak Taama Fanah Culusaanam Tama Tayyarah Booxa Abtah Tan Taama Sissika Kee Sereegalla Bahtuh Tet Catelem Qaddoyse.

Qusbah Yan Terminal, Mangoh Tan Tayyaara Yabbixeh Yanim Kee Tahak Kalah Rakiibo Daddos Baarimuh Mangoh Tan Saamitte Luk Amaatem Baxxaqise.

 

Tama Tayyarah Booxak Arcibisso Duddi Fayya Iyyu Waah Yanim Kee Dariifah Ayyuntah Nabah Yan Taamah Saami Hadle Lem Diggoysak, Safareeniitih Meqeh Yan Caalat Kee Rufto Aalle Lem Diggoyse.

Tama Terminaal, Magaala Akkuk Geytimtah Tan Daddos Taamoomih Qokol Yakku Waah Yanim Kee Bahrixaar Tayyaarah Booxa Baad Caddo Kee Baaxoh Caddol Inkih Meqeh Yan Safar Guddus Taalluh Xiqsiiselem Yiysixxige.

 

Bahrixaar Innah Tan Nabah Tan Magaala Geytam Faxximtah Tan Rakiibô Daddoositte Kee Tuxxiiqitte Akah Geyta Innay, Ayyunti Say Kee Salaam Akah Diggoowa Innah Abeloonum Naharsi Malaak Ayyuntiinô Retteemal Tatruse Farmol Qaddoyse