Ityoppiya Afrikah Tellemmô Fantaaxaw kee Dadalah Maftacah Tan Baaxo Kinni.

 

Addis Ababa Ditelik 25/2018 (ENA) Itiyoppiya Dariifa kee Qarangubah Qidaddo Dadalaay, Tellemmoh Angagoyyal Kaxxa Doori Digrak Geytimta Maftacah Tan Baaxo Kinnim Afrikal Tellemmo kee Rakiibo Daddoosih Cugaysoosal Hangi Haak Geytimta Tirex Katalist Afrikah Qaddossem.

Itiyoppiya Leh Tan Aydaduuy, Ayyuntiinô Wagaay, Rakiibo Daddos kee Ji-ograafih Daffeyna Dariifal Qidaddô Fantaaxaw Taysissikuh Kaxxa Doori Digirtuh Tet Xiqsissam.

Tirex Katalist Afrikak Leenah Taama Gexse Axere Axanko Itiyoppiya Xaagi Raceenallih Luk Sugeh Yan Udduurul Itiyoppiya Baarle Ayyunti Ixximaay Nabah Yan Qidaddo kee Mango Yamrute Qunxaaneyta Leh Tan Baaxo Kinnim Qaddoysem.

Ta Meqe Saami ‎Afrikah Qidaddo Dadalah Kaxxa Doori Digirtu kee Ammas Baarissuh Tet Xiqsissam Yiysixxigem.

Ingliliizil Geytimta Baad Caddoh Malakmisah Pooliis kee Kusaq Fanteenak (ODI) Leenah Kusaq Abe Maksimin Xipora Itiyoppiya Afrikah Qarangubal Sissikal Dadalak Geytimta Qidaddô Leh Tan Qidaddô Fantenaanik Tiyak Teena Kinnim Qaddoysem.

‎Kusaq Abe Tah Itiyoppiya Amolladi Qarangubal Tellemmo kee Investmento Angagoyyal Tasgoorowe Maftacah Tan Tet Abelem Yiysixxigem.