Rakaakayal Inki Maacih Algin Raatih Taddeera Abnisso Buqrê Murtisso Osisseh Geytimta. - ENA Qafar Afa
Rakaakayal Inki Maacih Algin Raatih Taddeera Abnisso Buqrê Murtisso Osisseh Geytimta.
Addis Ababa Ditelik 24/2018 (ENA) Gabbi Qaxih Itiyoppiyah Rakaakayal Tekkeh Tan Algin Raatih Taddeera Buqrê Murtisso Osisseh Tanim Rakaakayam Buqrê Biiro Tiysixxigem.
Asnaatih Algin Raatih Taddeeral Inki Maacih Cooc Daabisso "Qaago Daabisnay" Inta Itrol Yanaate Itleenih Gexsitelem Tamixxigem.
Naharsi Malaak Abiyyi Acmad (PhD) Itiyoppiyah Xaylo Baaxoh Caddol Inki Maacat 800miiliyeenih Caxa Daabisak Gersi Aydaadu Taamitoonuh Bical Gacaanam Faxximtaamih Seeco Tatruseh Sugem Kassinnam.
Ta Ayroorah Addat Kunnabnale Baaxô Xaylok Faxxiima Bica Abak Qaago Daabissanam Faxximtam Farmol Tatruseh Sugem.
Ciggiila Naharsi Saqalih Bilhadal Xillah Kilasterih Koobagiseey, Rakaakayak Buqrê Biiroh Saqal Dr Merihun Fiqhru Akkuk Geytima Bica Wagsiisaak Yeceh Yan Maybalaalaqal Rakaakayal Takkeh Tan Algin Raatih Taddeera Buqrê Murtisso Osisseh Tanim Qaddoysem.
Inki Maacih Algin Raatih Taddeerah Mango Tuxxiq Le Cooxitte 16alfii kee 500hektaarak Dagah Ardil Daabisoonuh Faxxiima Bici Yekkeh Yanim Yescessem.
#AlginRaat #ENA