Istirateejî Taamah Miraacisiyya kee Xijjitaal Teknoloojih Abnissoh Caddol Xaloot Anbulluyuk Geytima. - ENA Qafar Afa
Istirateejî Taamah Miraacisiyya kee Xijjitaal Teknoloojih Abnissoh Caddol Xaloot Anbulluyuk Geytima.
Addis Ababa Ditelik 23/2018 (ENA) Istirateejî Taamah Miraacisiyya kee Xijjitaal Teknoloojih Abnissoh Caddol Xaloot Anbulluyuk Geytimam Leedah Missoynah Miraaciini Qaddoysem.
Leedah Missoynak Leenah Maktabak Istiraatejî Taama kee Angaaraw Teknoloojih Exxa 2018 Liggidih Miizaaniyyat Ikraaroh Abnissoh Gabbaaqu kee 2019 Ikraarol Walal Harer Magaalal Gexsen.
Leedah Missoynak Maktabak Malaak Bilhadal Istiraatejî Taama kee Angaaraw Teknoloojih Exxah Saqal Ambaasadder Casan Qabdulkhadir Missoyna Istiraatejî Taama kee Xijjitaal Teknoloojih Abnissoh Exxal Xaloot Geysissa Taama Tekkeh Tanim Yescessem.
Baxsaluk 2018 Miizaaniyyat Liggidal Inki Ikraarooy, Inki Gabbaaquuy Tonnah Kaadu Miizaanisiyya Siirat Qasriino Fan korsaanamih Caddol Tekke Taama Asskatleh Tanim Baxxaqsem.
Leedah Missoynak Harer Rakaakayih Luddih Saqal Gety Weyyesa Ta Gudgud Kusaaqak Taturak Rakaakayal Tekkeh Tan Daddos Taamoomi Wagitak Abak Raag Takkem Xiqelem Qaddoysem
Ta Gudgudul Leedah Missoynah Miraaciinuuy, Rakaakayitte kee Magaalol Xiinissoosak Ta Luddih Saqloti Elleey Geytimtem.