Inki Maacih Algin Raatih Taddeeral 800miiliyeenih Coox Daabisam Xiqsiisa Bici Gaba Kaleh Yan.

 

Addis Ababa Ditelik 22/2018 (ENA) Asanat Inki Maaca Algin Raatih Taddeeral 800miiliyeenih Coox Daabisam Xiqsiisa Bici Gaba Kaleh Yanim Buqrê Malaak Yiysixxigem.

 

Naharsi Malaak Abiyyi Acmad (PhD) 2018 Liggidak Ditelik 27ih Inki Maaca Algin Raatih Taddeeral 800miiliyeenih Coox Daabimelem Ayyuntiinô Retteemah Guubul Tatruseh Yan Farmol Qaddoysem.

 

Tatruseh Yan Farmol Koona Ayro Kak Raqteh Tan Inki Maacih Algin Raatih Taddeeral Inkih Tan Itiyoppiyah Xaylo Aydaadi Raat Daffeysoonuh Seeco Tatrusem. 

 

Buqrê Malaakak Ginô Gaddih Dacayri kee Anttitimiyyi Miraacih Taama Gexseey, Algin Raatih Taddeerak Buqrê Mettaabbannu Makaadoh Kutbe-Abe Fanose Mekonnin Itiyoppiyak Xaagi Raceenah Elle Qaddoysennal Asanatih Algin Raatih Taddeeral 8ximmooy 5biiliyeenih Coox Daabimtuh Abina Taama Qimbisinteh Tanim Yescessem.

 

Tahal Ayyunti Anbadle Gabat Aglel Taham Fan 4.8biiliyeenih Dagah Coox Daabimteh Tanim Qaddoysem.

 

Algin Raatih Taddeeral Daabimtu Wayta Cooxuk Boolul 40gaba Baaxoh Addah Garbô Daddoosuuy, 60 gaba Bookul Mango Tuxxiq le Coox Kinnih Tanim Baxxaqsem. 

 

Inki Maacih Algin Raatih Taddeerah faxxiima Bici Gaba Kaleh Yanim Qaddoysem.

 

#AlginRaat #ENA