Salaam Malaak Qafar Rakaakayih Doolat Luk Cattimak Gexisah yan Karmak labbat ayfaafayih Taddeera Qimbisiisen .

 

Addis Ababa Ditelik 21/2018 (ENA) Federaalak Salaam Malaak Qafar Rakaakayih Doolat Luk Cattimak Gexisah yan salaam Diggoos Wagittaamal Karmak labbat ayfaafayih Taddeera Asaaki Macsenta Samara Magaalal Qimbisiisen. 

 

Ta Taddeeral Geytimeh yan Rakaakayak saay kee salaam biirok Ciggila saqal Gifta Bilal darge iyyemih ta taddira salaam malaaka luk cattimak Qimmisenih yanin kee ta taddiral mangoh tan labbat ayfaafayih taama akkelem qaddose. 

 

Samarâ logyi magaalâh xinissôh saqal injineer Acmad Nuur Saalim isi le katuk iyyemih Qafar Rakaakay salaam ambasader yamixxigeh yanim kee salaam kullimik raceena kinnim yescesse.

 

Salaam malaak awlisak Gudgudul geytimteh tan Gifti zabiba ayalo intemih ta taddira samara Loogiya kee awashal gexsittah Tanim ascasuk ta taama gexsah yan qunxaaneyti cindah taamitâh yaniinim kassise.

 

Afar rakaakayak leedâ partik qunxaaneyti Galih saqal Gifta Qabdulkadir Macammad kee sayyo Galih saqal Urti yayso ta taddira labbta ayfaf cindah abah yan qunxaaneytih qadad 200 yakkeh yanim kee samara logyi magaalâ kee awash magaalâl gexsaanah yaninim qaddosen.

 

Ta taddirat Yengeleh yan samara loogyi miraacinu kee taddirat tengeleh tan dagorti Labbat ayfa labbat ayfaafayih taama dabisaanamalih kaxxa tuxxiqlem yescessen.

 

Tama Taddeerah Aracal hawa milaagu kee Maaqiddah yakkeh yan coox Daabisaanam kee Qabli mattacoh Gexseenih Yaniinim Qafarak Mangaafa Retteemah Oyti Yascassem