49heele Afrikah Eglak Taama Selta Malah Buxah Madabiini Kobox Qimbise.

 

Addis Ababa Ditelik 21/2018 (ENA) 49heele Afrikah Eglak Taama Selta Malah Buxah Madabiini Kobox Eglak Leenah Daffeynah Tan Addis Ababal Qimbise.

Malâ Buxah Kobox "Sarriinole Leê Xayyos kee Amni Kak Daccartime Saytunaane Siirat 2063 Ajenxah Wadbah Xalootuh Inta Itrol 2026 Eglak Sanat Miracsental Gexsitak Geytimtam.

Kobox Fakkental Afrikah Eglah Kimishinih Saqal Macmuud Qali Yuusufuy, Itiyoppiyak Afah Caagiidah Malaak Geexiyon Timootiyos (PhD) Galli Maroh Eglak Afrikak Qidaddô Kimishink Leenah Kutbe Abe Kilavar Gatete, Birunxik Afah Caagiidah Malaakaay, Taama Selta Malah Buxak Gaaboyse Exwarxi Bizimaanay, Adoytit Baaxooxak Afah Caagiidah Maloktiiy, Xiplomaatwa kee Gersi Qibni Elledy Geytimem.

Malokti Aakam Kah Yacen Maftacah Tan Ajenxaaxi kee Qaranguba Fantaaxawal Walalelonum Yescessen.

2063Ajenxah Abnisso Kattattah Tan Makaadoh Gabbaaquuy, Eglak Sitringeyitte kee Gexsititte Mafdagoogih Banissi Kusaaqiselonum Qaddowte.

49heele Afrikah Eglak Taama Selta Malah Buxak Madabiini Kobox Beera Fan Sugelem Eglah Oyti Yascassem.