Qafar Rakaakayih Doolatk Dariifa Dacayrih Abbotan "Saytun itiyoppiya Horal tabisnay" inta tan Sidoc haytoh Addah Dariifa dacayri kee Saytunaane Gaaduk qembisiisiyyi taddiira Samara Magaalal gexsen.

Addis Ababa Ditelik 19/2018 (ENA) Taddiiral Rakaakayak Ciggiila Perezxentiiy, Ardi Biiro Saqal Gifta Qumar Nuur Qarba, Leeda Partik Qafar Rakaakayih Luddih kutbeh Buxa Saqal Gifta Macammad Cuseen Qalisa, Federaalak Dariifa Dacayrih Abbootanak Naharsi Saqla Dr Lellise Leme kee Rakaakayak fayya le Miraaciinuy, Rasuy, Daqoorit miraaciinuy, Saay Dagorti kee Maglableela elle geytimak gexsen.

 

Tama Gudgudul Rakaakayak Ciggiila Perezxentiiy, Adri Biiro Saqal Gifta Qumar Nuur Qarba Qafar Ayyunti Dacarsittoh Xiinah Yan Ayyuntay Saytun Dariifa kah Faxximta kinnuk, Ni Ayyuntay, Saqak inkih Qaafiyat Diggoowuh Dariifa Saytunaaneh Baxsa le Hangi yamcawweem faxximtam qaddoyse.

 

Miraaciinuy, Atyunta itta lih Gacak Barriy, Magaalolul inkih Saytunaane taamoomi Diggoysa, Sinni Dariifah Anxaxcoysaanam kee Dacayrisaanamih taama Diggowtam faxximtam yescesse.

 

Federalak Dariifa Dacayrih Abbotanak Narsi Saqla Dr Lellise Leme ta Taddiira qemboh Addah Naharsi malaak qembisiisak Saytuniih, Anxaxin Baaxoy Hawa kak milaagimte ginoonuh elle taamitak geytimaanay, Mango xalootitte elle Amballayuk geytimta kinnim qaddosse.

 

Tonnah Awak tuk Able waak Ninni Dariifal Qidnah nan Laastik kee kalah tan quduufa Ayyunti Qaafiyat kee Baaxol Mango Sanootah Sugam xiqah yan taqabi kataasak geytimamih taagah dariifa Saytunaane Dacrisaanam faxximtam tescesse.

 

Rakaakayak Dariifa Dacayrih Abbotanak Naharsi Saqal Gifta Gaddo Cammoolo

Saytun itiyoppiya Ciggilta horal Tabisnay yaanam Ayyunti Qaafiyataay, Dariifa Saytunaane kee daddos Addat leemiy Baaxo Dadalah Naba Doori le Kinniimih taagah ta Taddiira Arac Xagtuh Miraaciinuy Qunxaaneyta kee Ayyunta inki mogoy tikka teh Macaltam Faxximtam yescesse.

 

Ellacabol Guddaafa Dariifah Ayyuntih Qaafiyatal katassah taqabiiy, Rakaakayak Dariifa Dacayrih Abbotan Abak geytima taamoomih gabbaaqu kee Faxi Dariifal faxxiime sinni Guddaafa yubleenik oyta elle tabsaanam xiqan APP Elle Xayyoosak tabsaanam kee Tonnah kaadu Addis Ababa Magaalah Xiiniso Caddol Dariifa dacayri kee Saytunaanel takkeh tan taamoomi kee Guddaafa Gadda fan korsaanamal Akkuk Geytimta Taamoomik Abak Raag Sittat tabaatabsasnam Xiqqimtem Qafarak Mangaafa Retteemah Oyti Yascassem.