Algin Raat Dariifâ Ceelo Missoysak, Dadal Taysissike Xalitte Geysiisak Geytimta.

 

Addis Ababa Ditelik 16/2018 (ENA) Algin Raatih Taddeera Itiyoppiyak Dariifâ Ceelo Missoysak Dadal Taysissike Xalitte Geysiisak Geytimtam Federeshin Malah Buxak Ciggilta Caxah Afteena Gifti Zahra Cummad Qaddossem.

 

Naharsi Malaak Abiyyi Acmad (PhD) Asanat Qaago Daabisnay Inta Itrol Algin Raat Waysuk 08/2018 Bishoftu Hora Arsexih Kalul Qaduuk Qimbisem Kassinnam.

 

Ta Qimbisisso Taddeeral Algin Raat Itiyoppiyah Leeda Daabissa Agat Daddos Kinnim Qaddoysem.

 

Asanati Taddeeral Bacra Biiliyeenih Caxa Daabisoonuh Daffeysen Hadaf Arac Xaguh Inkih Yan Ayyunti Gaba Edde Yassagallrm Faxximtaamih Seeco Tatrusem Tamixxigem.

 

Tahak Ugutak Baxaabaxsale Fantenaani Saqoltiiy, Taama Abeenit kee Ayyunti Exxaaxi Baxaabaxsale Dariifal Coox Daabissoh Taddeera Gexsak Geytiman.

 

IFEDRik Federeshin Malah Buxah Miraaciinu kee Taama Abeenit Addis Ababak Lemi Kurah Magaalah Footimak Goorô Daqaarih Xaqul Coox Daabissoh Taddeera Gexsen. 

 

Ta Aracal Malâ Buxak Ciggilta Caxah Afteena Gifti Zahra Cummad Algin Raatih Taddeera Itiyoppiyak Dariifâ Ceelo Missoysak Dadal Taysissike Xalitte Geysiisak Geytimtam Qaddossem.

 

#Algin #Raatih #Taddeera #ENA