Itiyoppiyak Mabbalow Komishinih Kobox Elle Faxximtannal Gexsitak Geytima – Pr Mesfen Araaya - ENA Qafar Afa
Itiyoppiyak Mabbalow Komishinih Kobox Elle Faxximtannal Gexsitak Geytima – Pr Mesfen Araaya
Addis Ababa Ditelik 16/2018 (ENA) Itiyoppiyak Mabbalow Komishinih Kobox Elle Faxximtannal Gexsitak Geytimam Agat Mabbalowih Komishinik Leenah Komshiner Pr Mesfen Araaya Qaddoysem.
Leenah Komshiner Amolladi Kobox Wagsiisaak Mangaafa Rettemaamih Yeceh Yan Maybalaaqlal Mabbalow Ajenxaaxil Tutaaxago Bxxaqsat Cattiimak Elle Faxximtannal Gexsitak Geytimam Yescessem.
Taturte Ayroorah Addat Gexsitak Sugeh Yan Mabbalow Gexsit Buttaatih Kurruumak Ajenxaaxil Baarluk Walalak Sittin Assakoxxal Mablooli Maqarroysaanamih Gexsit Fan Tabeenih Yaniinim Qaddoysem.
10buttah Adoytit Xisak Gexsiteh Yan Walal Ajenxal Baarluk Walaloonuh Saami Gineh Yanim Yescessem.
10buttah Adoytit Gexisak Sugteh Tan Mabbalow Beeraak Xabba Haanam 50adoytit Leh Tan Buttaatih Gaabowak Walal Elle Qimbiseloonum Yiysixxigem.
Asaaku Kaaduk Mihratleela Baxaabaxsale Cagiidal Bacra Butaatih Baxisak Baarle Baxxaqsa Kee Oytitte Keenih Yeceenih Yaniinim Qaddoysem.
Beraak Qimbisak 50adoytit Le Buttaati Maqarroysen Gabbaaqitte Buttaatih Xayyoosak 250 Le Adoytit Leh Tan 16Takke Buttaatih Yakkeh Yan Walal Fan Tabeloonum Baxxaqsem.